लू‍कस 5:26 - पुना गच्छरना NT (BSI)

²⁶ ओर्मर अनचकरर केरर, अरा आर धर्मेसिन ओहमा नंजर अरा बग्‍गे इल्‍चनुम बाचर, “नाम इन्ना अकबक नलख गुट्ठिन ईरका र'अदत।”

लू‍कस 5:26 ပူးပေါင်းရင်းမြစ်များ

मत्तायोस 12:23

इन्‍नु ओर्मर धन्‍धरर केरर ती ब'आ हेलरर, “एन्‍देर ईस दाऊदसी ख़द्दस मसीस मना ओंग्‍दस दने।”

मत्तायोस 28:8

अबड़ा मुक्‍कर इल्चका अरा रिझ गने मसड़ा ती लॆम किर्रियर ती येसुसी चेलारिन इदन तेंगा गे बुंगनुम केरर।

मत्तायोस 9:8

इदिन ईरयर ती आलर इल्‍चियर केरर अरा धर्मेसी ओहमा नना हेलरर एकास आलर गे एन्ने आकुस चिच्कादस।

मरकुस 2:12

आ आलस लॆम चॊचस अरा खटिन चेड्‍डस अरा ओर्मर ही ऎथ्रना नू बहरी ईकनुम केरस। ओर्मर अनचकरर केरर, अरा धर्मेसी ओहमा नंजर अरा बाचर, “नाम एन्ने एन्‍द्रा हूँ मल ईरका रहचकत।”

लू‍कस 1:65

आर ही उर्मी अड्डे-बेड्डे ता आलर नू इल्चका कोरचा केरा। अरा यूदेया ही परता राजी उर्मी नू इबड़ा उर्मी कत्‍थन आलर कछनख्र'आ हेलरर।

लू‍कस 5:8

सिमॊन पतरस इदिन ईरयस ती येसुसी ख़ेडमूली खत्तरस ती बाचस, “अना उर्बायो, एंग्‍है गुसले कला, एन्‍देरगेका ऎन पपहा आलन हिकदन, अरा निंग्‍है जॊगे मलकन।”

लू‍कस 7:16

ओर्मर गे इल्चका कोरचा केरा, अरा धर्मेसी ओहमा नंजर ती ब'आ लगियर, “नम्‍है मझी नू ओन्‍टा कोहाँ धर्मेसी कत्‍था तिंगुस बरचकादस, अरा धर्मेस तंग्‍है आलर मइय्याँ सोग्‍गे ईरकादस।”

लू‍कस 8:37

ख़ने गेरासॆनोस चक ही अड्डे-बेड्डे ता आलर येसुसिन गोहरारर का, “एम्‍है गुसले किर्रिम बि'आ” एन्‍देरगेका आर अउर हूँ नठार'ओ ब'अरकी नगदे इल्चका केरका रहचर। होले येसुस डोंगा नू अर्गियस ती किर्रियस केरस।

त‍इरकर 4:21

ख़ने आर पतरस अरा यॊहनसिन फिन एलेकताचर ती अम्‍बियर चिच्‍चर। अरा आर आरिन दंडे चि'आ गे एन्‍देर ओट्टा हूँ मल ख़क्‍खरा, एन्‍देरगेका ई मंजका पत्त नू उर्मी आलर धर्मेसी ओहमा नना लगियर।

गलातिया 1:24

अरा अबड़ा कलीसिया एंग्‍है पत्त नू धर्मेसी ओहमा नना लगिया।