लू‍कस 5:24 - पुना गच्छरना NT (BSI)

²⁴ लिकिन ऎन ई आलासिन कोड़े नन्ना ती निमन ऎद'ओन का एंगा, मनवा ख़द्दन गे आलर ही पाप गुट्ठिन छमा नना गे हूँ ख़ॆख़ेल नू आकुस र'ई।” ख़ने आस लकवा बेमरहासिन आनियस, “ऎन निंगन ब'अदन, ‘चो'आ, निंग्‍है खटिन चेड़'अरकी एड़पा कला।’”

लू‍कस 5:24 ပူးပေါင်းရင်းမြစ်များ

मत्तायोस 16:13

येसुस कैसरेया फिलिप्‍पी चक नू बरचस ख़ने, तंग्‍है चेलारिन मेंजस, “मनवा ख़द्दन एंगन आलर एन्‍देर ब'अनर?”

मत्तायोस 25:31

इकला मनवा ख़द्दन ऎन एंग्‍है महबा नू उर्मी मेर्ख़ा पैकर गने बर'ओन, अरा ऎन एंग्‍है महबा ही बॆल-गदिया नू ओ‍क्‍कोन।

मत्तायोस 26:64

ख़ने येसुस बाचस, “नीनिम बाचकय चिच्‍चकय अन्ने दिम हवे। लिकिन ऎन निंगन इदिन हूँ ब'अदन का, अक्‍कु ती नीम मनवा ख़द्दन एंगन उर्मी नू सवंग उइय्‍यू धर्मेसी तीना चोक्‍ख उक्‍का ती राजी नन्नन ऎरोर। अरा नीम एंगन मेर्ख़ा नू चरियो तरा बदाली ती एत्तनन ऎरोर।”

मत्तायोस 28:18

तहाँ येसुस आर ही हेद्दे बरचस ती बाचस, “मेर्ख़ा अरा ख़ॆख़ेल नू उर्मी अदिया एंगा चीरकी र'ई।

मत्तायोस 4:24

येसुसी पत्त ता कत्‍था गोट्टा सीरिया राजी नू बीड़्रा। आलर मिरगी, लकवा दरा कैनो मदहे बेमार ती लिंड्रका रोगियारिन अरा नाद धरचका आलारिन येसुस गुसन ओन्‍द्र'आ लगियर। अरा आस आरिन उजग'आ लगियस।

मत्तायोस 9:6

लिकिन ऎन ई आलासिन कोड़े नन्ना ती निमन ऎद'ओन का मनवा ख़द्दन एंगा गे आलर ही पाप गुट्ठिन छमा नना गे हूँ ख़ॆख़ेल नू आकुस र'ई।” ख़ने आस लकवा बेमरहासिन आनियस, “ऎन निंगन ब'अदन, चो'आ, निंग्‍है खटिन चेड़'अरकी एड़पा कला।”

लू‍कस 5:13

येसुस ख़ेक्खा ती आसिन ऎंसड़स ती बाचस, “एंग्‍है मने र'ई का नीन कोड़े मना कला।” आ बारिम आसी खसरा रोगे कोड़े मंजा केरा।

लू‍कस 5:18

आ बारी जोक्‍क आलर ओन्‍टा लकवा बेमरहासिन खटी नू ओन्‍द्रर, अरा आर आसिन भितरी हो'अना ही अरा येसुसी मुन्‍दहारे उइय्‍ना ही चिताबुता नंजी ईरियर।

लू‍कस 5:23

‘निंग्‍है पाप छमा नन्‍तार'ई’ एन्ने ब'अना ‘चो'आ अरा कुद्दा ‍नुंगा’ एन्ने ब'अना ती सेब्‍बा हवे। एन्‍देरगेका आलर कोड़े मन्नन ऎरा ओंग्‍नर, लिकिन पाप छमा मन्नन ऎरा पोलनर।

लू‍कस 7:14

आस हेद्दे केरस ती सार आबोन एवंढरस, ख़ने चिड़'ऊ आलर इज्‍जर केरर। अरा आस बाचस, “अना जॊंख़ायो, ऎन निंगन ब'अदन चो'आ।”

लू‍कस 8:54

लिकिन येसुस ख़ेक्खा ती अदिन धरचस अरा जॊर ती बाचस, “अनय ख़द्दो चो'अय!”

यॊहनस 11:43

येसुस एन्ने बाचस ती जॊरसरिया चिच्चियारस, “अना लाजरस, उरखा बरा।”

यॊहनस 17:2

नीन ओर्मा आलर मइय्याँ एंगा गे अदिया चिच्‍चकादय, नीन एंगा चिच्का ओर्मर गे ऎन जनमजुग ही उज्‍जना चि'आ गे दिम नीन इदन नंजकय।

यॊहनस 3:13

मेर्ख़ा ती इत्तका मनवा ख़द्दस एंगन अम्‍बरकी नॆ हूँ मेर्ख़ा नू मल अरगनर।

यॊहनस 5:27

अरा आस एंगा आलारिन नेंवई नना गे अदिया हूँ चिच्कादस, एन्‍देरगेका ऎन मनवा ख़द्दन हिकदन।

त‍इरकर 14:10

ख़ने जॊरसरिया बाचस, “चो'आ अरा निंग्‍है ख़ेड्डे ती उजगो इज'आ।” आस उदकारस ती कुद्दा नुंगा हेलरस।

त‍इरकर 5:31

धर्मेस दिम आसिन उर्बस अरा बछाब'ऊ नंजस ती तंग्‍है तीना चोक्‍ख म‍ईन ही अड्डन चिच्‍चस, एकत्रु का आस इस्राऎल आलर गे जिया किर्त'अना अरा पाप छमा चि'ओस।

त‍इरकर 9:34

पतरस आसिन बाचस, “ऐनेयास, येसु मसीस निंगन कोड़े नन्‍दस, चो'आ ती निंग्‍है पिटरिन तेरमा।” लॆम आस चॊचस ती इज्‍जस।

त‍इरकर 9:40

पतरस ओर्मारिन बहरी त‍इय्यस अरा मूकलिद्रस ती गोहरारस। अदही ख़ॊख़ा आस मरी तरा ईरियस ती बाचस, “तबिता चो'अय!” आद ख़न्नन चलख़ा अरा पतरसिन ईरिया ती चॊचा ती उक्‍किया।

दहदर मंजका कत्‍था 1:13

अरा अबड़ा सतियो बिल्‍ली पटनी गुट्ठी ही मझी नू ओन्टा मनवा ख़द्दस लेक्‍खा ओर्तोसिन ईरकन। आसी अत्तका किचरी गुंड़ख़ी गूटी दिगहा रहचा, अरा एंवख़ नू सोना ही गतला नंजका रहचस।