लू‍कस 5:21 - पुना गच्छरना NT (BSI)

²¹ ख़ने नॆग सिखाब'उर अरा फरिसीर ताम ताम नू कछनख्र'आ हेलरर, “ईस नॆ तंग्‍है? ई आलस धर्मेसिन निंदा नन्‍दस। धर्मेसिन अम्‍बर नॆ पाप गुट्ठिन छमा नना ओंगोर?”

लू‍कस 5:21 ပူးပေါင်းရင်းမြစ်များ

मत्तायोस 26:65

येसुसी ई ब'अनन मेंजस ती कोहाँ नैगस तंग्‍है बरमारनन ऎद'आ गे तंग्‍है किचरिन चर्रियस, तहाँ बाचस, “ईस धर्मेसी निंदा नंजकादस, अक्‍कु नमा गे ईसी बिड़दो नू गोवाह ही एन्‍देर चाड़ र'ई! ईस धर्मेसी बिड़दो नू तंगन धर्मेसी लेक्खा जोक्‍खचस, ई ब'अनन नीम मेंजकर,

मत्तायोस 9:3

लिकिन जोक्‍क यहूदी नॆग सिखाब'उर ताम ताम नू कछनख्रर, “ई आलस गा धर्मेसी निंदा नन्‍दस।”

लू‍कस 3:8

जियन किर्त'अना ही जॊगे नलख नना। नीम तम्‍है तम्‍है जिया नू एन्ने अमा सोच'आ हेलरा का ऎम अब्राहमसी बनस ता हिकदम। ऎन निमन ब'अदन का धर्मेस इबड़ा पखना गुट्ठी ती अब्राहमस गे ख़द्द कम'आ ओंग्दस!

लू‍कस 5:17

उन्‍दुल येसुसी सिखाब'अना बेड़ा फरिसीर अरा नॆग सिखाब'उर असन उक्‍का रहचर। एकाबड़र गलिलेया जिला ही बग्‍गे पद्दा गुट्ठी ती अरा येरुसलॆम ती अरा यूदेया जिला ही नन्ना पद्दा ती बरचका रहचर। अरा कोड़े नना गे धर्मेसी सवंग येसुस गने रहचा।

लू‍कस 5:22

लिकिन येसुस आर ही जिया ता कत्‍थन अक्‍खस ती आरिन बाचस, “नीम निम्‍है जिया नू एन्‍देरगे सोच'आलदर?

लू‍कस 7:49

ख़ने आसी गने मंडी ओना उक्‍काचर, आर ताम ताम नू बाचर का, “ईस नॆ तंग्‍है, पाप गुट्ठिन हूँ छमा नन्‍दस?”

यॊहनस 10:33

ख़ने यहूदीर आसिन बाचर, “ऎम निंगन निंग्‍है इन्द्रिइम अजगुत नलख गे लोड़ग'आ पिटा मल बेद्ददम। नीन धर्मेसी निंदा नन्‍दय, नीन गा आलय हिकदय, अन्‍नु हूँ निंगन धर्मे ब'अदय, अदगे ऎम निंगन लोड़ग'आ पिटा बेद्ददम।”

रोमी 8:33

नॆकन धर्मेस चज्जिकादस, आरिन नॆ दोस ठेकाब'आ ओंगोर? नॆ हूँ पोल्‍लोर, एन्‍देरगेका धर्मेस दिम आरिन उजगो आल नंजका‍दस।