लू‍कस 5:17 - पुना गच्छरना NT (BSI)

¹⁷ उन्‍दुल येसुसी सिखाब'अना बेड़ा फरिसीर अरा नॆग सिखाब'उर असन उक्‍का रहचर। एकाबड़र गलिलेया जिला ही बग्‍गे पद्दा गुट्ठी ती अरा येरुसलॆम ती अरा यूदेया जिला ही नन्ना पद्दा ती बरचका रहचर। अरा कोड़े नना गे धर्मेसी सवंग येसुस गने रहचा।

लू‍कस 5:17 ပူးပေါင်းရင်းမြစ်များ

मत्तायोस 11:5

अन्‍धहर ऎरनर अरा लेंगड़र ऎकनर अरा खसरा रोगियर सफा नन्तारनर अरा भइरा आलर मेनालनर अरा केचका आलर उज्‍जतारनर अरा कीड़र गे दौ कत्‍था तेंगतार'आ लगी।

मत्तायोस 15:1

तहाँ येरुसलॆम नगरे ती जोक्‍क फरिसीर अरा नॆग सिखाब'उर बरचर ती येसुसिन ब'आ हेलरर,

मरकुस 1:45

लिकिन आस तंगन येसुस एकासे कोड़े नंजस अदन नगदे आलारिन तेंगा हेलरस। ई चड्डे येसुस आलर ही ऎथ्रना नू एकअम नगरे नू काला पोल्‍लस, एन्‍देरगेका कोहाँ गोंहड़ा ख़ॊंड़रा। औंगे आस नगरे ही बहरी उछिन्‍द अड्डा नू रहचस। अन्नु हूँ ओनबेंड़र'आ ती आलर आसी गुसन बर'आलियर।

मरकुस 16:18

आर नेर्रेन धर'ओर अरा महुरन ख़प्‍पोर होले हूँ आर एन्‍देर हूँ मल मनोर। अरा आर बिमरहर म‍इय्‍याँ ख़ेक्खा उइय्‍योर होले आर कोड़े मनोर कालोर।”

मरकुस 3:22

येरुसलॆम नगरे ती बरचका जोक्को नॆग सिखाब'उर आलारिन बाचर, “ईस मलदौ बॊलता गुट्ठी ही मुद्धस बॆलजेबूल ती धर्रकादस। ईस अत्रु ती ख़क्ख्रका सवंग ती नाद गुट्ठिन ओथ्रदस।”

मरकुस 5:30

येसुस लॆम अक्‍खस का तंग्‍है सवंग नॆकअनिम उजगाचा। ख़ने आस ख़ॊख़ा किर्ररकी गोंहड़न थिथवाँ ईरियस ती मेंजस, “एंग्‍है किचरिन नॆ ऎंवसड़ा?”

मरकुस 7:1

उन्‍दुल येरुसलॆम नगरे ती बरचका जोक्को फरिसीर अरा नॆग सिखाब'उर येसुस गुसन ख़ॊंड़रर।

लू‍कस 15:2

फरिसीर अरा नॆग सिखाब'उर, “ईस गा पपहा आलर गने भिड़ाब'अदस अरा आर ही गने ओन्‍दस मॊख़दस” ब'अरकी कुटमुटर'आ हेलरर।

लू‍कस 2:46

तिसर उल्‍ला नू आर आसिन धर्मेसी मन्दिर नू यहूदी सिखाब'उर गने ओक्‍करकी आर ती कत्‍था मेन्ना अरा आरिन प्रसन मेन्ना ख़क्‍खियर।

लू‍कस 5:21

ख़ने नॆग सिखाब'उर अरा फरिसीर ताम ताम नू कछनख्र'आ हेलरर, “ईस नॆ तंग्‍है? ई आलस धर्मेसिन निंदा नन्‍दस। धर्मेसिन अम्‍बर नॆ पाप गुट्ठिन छमा नना ओंगोर?”

लू‍कस 5:30

ख़ने फरिसीर अरा नॆग सिखाब'उर आसी चेलारिन कुटमुटर'आ हेलरर ती बाचर, “नीम मालगुजारी ऊज'उर अरा पपहर गने एन्‍देर गे ओन्‍दर मॊख़दर?”

लू‍कस 6:19

ओर्मर आसिन एंसड़'आ बेद्दा लगियर, एन्‍देरगेका आसी ती सवंग उरखरकी ओर्मारिन कोड़े ननालिया।

लू‍कस 7:30

लिकिन फरिसीर अरा नॆग सिखाब'उर तमन यॊहनस ती नॊड़रत'आ गे मल चिच्‍चर, अदही चड्डे तमा गे धर्मेसी मने आबोन तरकूटी नंजर चिच्‍चर।)

लू‍कस 8:46

लिकिन येसुस बाचस, “नेकइम एंगन ऎंवसड़कर, एन्‍देरगेका ऎन अक्‍कन का एंग्‍है ती कोड़े नन्ना ही सवंग उरखकी र'ई।”

यॊहनस 3:10

येसुस आसिन बाचस, “नीन इस्राऎल नू ओन्‍टा मुध गुरु र'अदय, अन्नु हूँ इबड़ा कत्‍थन नीन मल बुझ्रदय का?

यॊहनस 3:21

लिकिन नॆ मानी गने उज्‍जनर, आर बिल्‍ली हेद्दे बरनर, अत्रु ईद दहदर मनी का आर ही नलख धर्मेस ती मंजकी र'ई।”

त‍इरकर 19:11

धर्मेस पौलुस ती अजगुत नलख गुट्ठी नंजस।

त‍इरकर 4:30

नीन निंग्‍है कोहाँ सवंग आबोन ऎद'आ, एकाबारी ऎम निंग्‍है नेम्‍हा जॊंख़स येसुसी नामे ती आलारिन उजग'ओम अरा चिन्‍हा अरा अजगुत नलख गुट्ठी ननोम।”

त‍इरकर 5:34

आ बारी ओर्मा आलर ती म‍ईन ख़क्ख्रका नॆग सिखाब'ऊ गमालिऎल नामे ओन्‍टा फरिसीस कोहाँ सभा नू इज्‍जस अरा त‍इरकारिन एगघड़ी गे बहरी त‍इय्या गे आनियस।