लू‍कस 4:43 - पुना गच्छरना NT (BSI)

⁴³ लिकिन आस आरिन बाचस, “एंगा नन्ना नगरे नू हूँ धर्मेसी राजी ही दौ कत्‍था मेन्‍त'अना र'ई। एन्‍देरगेका ऎन इदगेम त‍इरकादन।”

लू‍कस 4:43 ပူးပေါင်းရင်းမြစ်များ

मत्तायोस 4:23

येसुस गोट्टा गलिलेया नू कुद्दा कुद्दा आर ही गोड़हा एड़पा गुट्ठी नू सिखाब'आलियस अरा मेर्ख़ा राजी ही पत्त ता दौ कत्‍था तेंगा कुद्दा लगियस, अरा उर्मी आलर ही रोगे अरा पयहा गुट्ठिन उजग'आ लगियस।

मरकुस 1:35

दोसर उल्‍ला पैरी, बीड़ी अरगना ती मुन्‍द ऊख़ुर ऊख़ुर नू येसुस चॊचस। अरा एड़पा ती उरखरकी उछिन्‍द अड्डा नू केरस, अरा असन बिन्‍ती नना लगियस।

यॊहनस 20:21

फिन येसुस अउरिम आरिन बाचस, “निमा कोड़े मनन। एकन्ने बंगस एंगन तइय्कादस अन्नेम ऎन हूँ निमन तइय्‍दन।”

यॊहनस 9:4

उल्‍ला उल्‍लम बारिम नाम एंग्‍है तइय्युसी नलखन नन्‍ना र'ई। माख़ा बर'आ लगी, आ बारी नॆ हूँ एन्‍देर हूँ नना पोल्‍लोर।

त‍इरकर 10:38

नासरेत ता येसुसिन धर्मेस नेम्‍हा बॊलतस ती अरा सवंग ती बड़ियर नंजस अरा धर्मेस आसी गने रहचस। ख़ने आस दौ नन्नुम अरा सैतान ती बझ्रका आलारिन कोड़े नन्नुम कुद्दा लगियस।

2 तीमोथियुस 4:2

नीन दौ कत्‍थन तेंगा कुद्दा, अरा बेड़ा कु बेड़ा नू हूँ दौ कत्‍था तेंगा गे सपड़ारका र'आ, आलारिन मलदौ नन्ना ती सुधर'आ अरा अदन अम्‍बा गे आना, अरा आलारिन निंग्‍है दौ सिखाब'अना ती रिझ्रत'आ।