लू‍कस 4:34 - पुना गच्छरना NT (BSI)

³⁴ “अना नासरेत ता येसु, निंगा एम्है गने एन्‍देर नलख र'ई, अमा थोकबोकामब'आ, नीन एमन नास नना गे बरचकादय का? ऎन निंगन अख़दन नीन नॆ तंग्‍है, नीन धर्मेसी नेम्‍हा आलय।”

लू‍कस 4:34 ပူးပေါင်းရင်းမြစ်များ

मत्तायोस 8:29

आर चिच्चियारर ती बाचर, “धर्मेसी ख़द्दायो, एम्‍है गने निंग्‍है एन्‍देर नलख? एन्‍देर नीन एमन बेड़ा ती मुन्‍द दुक्‍खे चि'आ बरचकादय।”

मरकुस 1:24

“हे नासरेत पद्दा ता येसु! एम्‍है गने निंगा गे एन्‍देर नलख र'ई? नीन एमन नास नना गे बरचका र'अदय का? ऎन अख़दन नीन एका ओर्तय, नीन गा धर्मेस ती बरचका नेम्‍हा आलय।”

मरकुस 1:34

येसुस कैनो मदहे रोगे ती लिंड़रका नगदे बग्‍गे आलारिन कोड़े नंजस। अरा कैनो नाद आबोन हूँ आलर ती बोंग्ताचस। अरा अबड़ा नादन आसी पत्त नू ब'आ मल चिच्‍चस, एन्‍देरगेका अबड़ा आसिन अक्‍खा का आस नॆ तंग्‍है।

मरकुस 5:7

ख़ने येसुस आसिन बाचस, “हे मलदौ बॊलता, ई आलस ती उरखय बरय।” ख़ने आस चिच्चि‍यारनुम बाचस, “हे येसु! उर्मी ती कोहाँ धर्मेसी ख़द्दायो, एंग्‍है गने निंगा एन्‍देर नलख? ऎन धर्मेसी नामे ती किरया मॊख़दन का एंगन दुक्‍खे अमा चि'आ।”

लू‍कस 1:35

पैकस बाचस, “नेम्‍हा बॊलतस निंग्‍है म‍इय्‍याँ बर'ओस, अरा उर्मी ती कोहाँ धर्मेसी सवंग निंग्‍है म‍इय्‍याँ ऎख़ ननो। औंगे एका बॊलॊ ख़द्दस कुन्‍द्र'ओस आस नेम्‍हा मनोस, अरा आस धर्मेसी तंग्‍दस बातार'ओस।

लू‍कस 4:33

अरा असन गोड़हा एड़पा नू मलदौ बॊलता ती धरचका ओन्टा आलस रहचस। अरा आस जॊरसरिया चिच्चि‍यारस।

लू‍कस 4:41

अरा नाद गुट्ठी हूँ चिच्चियारनुम नगदे आलर ती उरखा केरा अरा ब'आलिया का “नीन धर्मेसी ख़द्दय हिकदय”। लिकिन आस अबड़न केबालियस अरा तंग्‍है पत्त नू ब'आ मल चिच्‍चस। एन्‍देरगेका अबड़ा आसिन अख़'आलिया का आस मसी हिकदस।

लू‍कस 8:28

आ मलदौ बॊलता गा आ आलासी मइय्याँ घड़ी घड़ी छटियारका रहचा। आलर आसिन सिकड़ी बिड़ी गुट्ठी ती हें'अरकी पहरा नंजकाचर। अन्नु हूँ आस हॆंचकन ख़च्‍चा चि'आ लगियस, अरा नाद आसिन उछिन्‍द अड्डा गुट्ठी नू कुत्त'आ लगिया। आस येसुसिन ईरयस ती चिच्चि‍यारस ती आसी मुन्‍दहारे खत्रस ती जॊरसरिया बाचस, “अना उर्मी ती कोहाँ धर्मेसी ख़द्दायो येसु! एंग्है गने निंगा एन्‍देर नलख? ऎन निंग्‍‍है ती गोहरारदन एंगन दुक्‍खे अमा चि'आ।” एन्‍देरगेका येसुस आ मलदौ बॊलता आबोन आसी मइय्याँ ती उरखा गे पॆसकाचस।

लू‍कस 8:37

ख़ने गेरासॆनोस चक ही अड्डे-बेड्डे ता आलर येसुसिन गोहरारर का, “एम्‍है गुसले किर्रिम बि'आ” एन्‍देरगेका आर अउर हूँ नठार'ओ ब'अरकी नगदे इल्चका केरका रहचर। होले येसुस डोंगा नू अर्गियस ती किर्रियस केरस।

त‍इरकर 16:39

औंगे आर‍ बरचर ती आरिन छमा नॆचर अरा आरिन बहरी होच्‍चर ती बिन्‍ती नंजर का नगरे ती बहरी किर्रिम बि'आ।

त‍इरकर 2:27

एन्‍देरगेका नीन एंग्‍है बॊलतन केचकर ही मझी नू मल अम्‍बोय, अरा नीन निंग्‍है नेम्‍हा आलासिन कित्ता मल चि'ओय।

त‍इरकर 3:14

नीम नेम्‍हा अरा उजगो आलासिन मल हुकमारकर, अरा आल पिटका आलासिन अम्‍बा गे आनकर।

त‍इरकर 4:27

इसन हॆरॊदॆस अरा पोन्‍तियुस पिलातुस नन-यहूदीर अरा इस्राऎल आलर गने येरुसलॆम नू ख़ॊंड़रर ती नीन मसी कमचका निंग्‍है नेम्‍हा जॊंख़स येसुसी बिड़दो नू चॊचर।

इब्रानी 2:14

एन्‍देरगेका धर्मेसी ख़द्दर अहड़ा अरा ख़ॆंस ती कम्रका मनवा आलॊ हिकनर, औंगे येसुस हूँ आर लेक्‍खा अहड़ा अरा ख़ॆंस नू मंजस। तंग्‍है खे'अना ती खे'अना ही अदिया उइय्यू सैतान आबोन नास नना गे आस एन्ने मंजस।

याकॊब 2:19

नीन पत्त'अदय का, ओन्टे लेका धर्मेस र'अदस। आद दौ हिके। नाद गुट्ठी हूँ गा अदिन पत्त'ई, अरा इल्‍ची अरा असरी।

1 यॊहन 3:8

एका ओर्तस पाप नन्तेम र'अदस, आस नाद ही आलस र'अदस, एन्देरगेका नाद गा ऒड़ तिम पाप नन्तेम र'ई। लिकिन धर्मेसी ख़द्दस नाद ही नलख गुट्ठिन नठाब'आ गेम दहदर मंजस।

दहदर मंजका कत्‍था 20:2

आस आ नगदे कोहाँ डेना र'ऊ नेर्रेन धरचस। ईदिम नाद अरा सैतान बारना आ पच्चा नेर्रे हवे। अरा आस अदन ओन हजार बछर गे हॆंचस।

दहदर मंजका कत्‍था 3:7

फिलदेलफिया नगरे ता कलीसिया ही पैकस गे नीन एन्ने लिख'आ का: नॆ नेम्‍हा अरा मानिम र'अस, अरा नॆ बॆल दाऊदसी कुची ही अदिया आबोन उइय्दस, अरा नॆ हूँ मुच्‍चा पोलना लेक्खा तिसग'उस, अरा नॆ हूँ तिसगा पोलना लेक्खा मुच्‍च'उस इबड़ा कत्थन ब'अदस का: