लू‍कस 4:23 - पुना गच्छरना NT (BSI)

²³ तहाँ आस आरिन बाचस, “नीम एंग्‍है म‍इय्याँ ई हना ब'ओर दिम का ‘बैधायो, नीन निंगन कोड़े नना,’ ई कत्‍था ही मने नीम एन्ने मन'ओर का, ‘एन्‍देर एन्‍देर ऎम मेंजकादम का हैकट नलख कफरनहूम नू नीन नंजकय, अदिन इसन हूँ नना।’”

लू‍कस 4:23 ပူးပေါင်းရင်းမြစ်များ

मत्तायोस 13:54

अरा तंग्‍‍है परदका नगरे नू बरचस ती आर ही गोड़हा एड़पा नू एन्ने सिखाब'आ हेलरस का आर अनचकरर ती ब'आ हेलरर, “ईस गे इबड़ा लूर अरा अकबक नलख नना गे सवंग एसलेक ख़क्‍खरा?

मत्तायोस 4:13

अरा आस नासरेत पद्दा आबोन अम्‍बियस ती कफरनहूम नगरे नू र'आ हेलरस, एकदा जबुलॊन अरा नेफतलिम जिला ही समुदर ही पिं‍डी नू र'ई।

मत्तायोस 4:23

येसुस गोट्टा गलिलेया नू कुद्दा कुद्दा आर ही गोड़हा एड़पा गुट्ठी नू सिखाब'आलियस अरा मेर्ख़ा राजी ही पत्त ता दौ कत्‍था तेंगा कुद्दा लगियस, अरा उर्मी आलर ही रोगे अरा पयहा गुट्ठिन उजग'आ लगियस।

मरकुस 6:1

येसुस कफरनहूम नगरेन अम्‍बरकी तंग्‍है परदका अड्डा नू बरचस। अरा आसी चेलर हूँ आसी गने केरर।

लू‍कस 2:39

ख़ने यॊसॆफ अरा मरियम उर्बासी नॆग लेक्‍खा जम्मन मुंजा ख़च्‍चियर ती गलिलेया जिला ही तम्‍है पद्दा नासरेत किर्रियर।

लू‍कस 2:51

तहाँ आस आर ही गने नासरेत किर्रियस, अरा आर ही आकुस नू रहचस। लिकिन तंगियो इबड़ा जम्मा कत्‍थन तंग्‍है जिया नू उइय्या।

लू‍कस 4:16

फिन आस नासरेत नू बरचस, एसन आस पॊसरका परदका रहचस। अरा तंग्‍है चाल ही लेक्‍खा यहूदी ख़न्न ऎख़ना उल्‍ला नू यहूदीर ही गोड़हा एड़पा केरस। असन आस धर्मेसी पुथिन पढ़'आ गे इज्‍जस।

लू‍कस 4:31

तहाँ येसुस गलिलेया जिला ही कफरनहूम नगरे नू केरस। अरा ख़न्न ऎख़ना उल्‍ला नू आलारिन सिखाब'आलियस।

लू‍कस 4:35

येसुस अदिन केप्‍पस ती आनियस, “कलेकले र'अय, अरा ई आलस ती उरखय कलय।” ख़ने मलदौ बॊलता आसिन आर ही मझी नू कचड़'अरकी आसिन बिगर बगड़'अर आसी म‍इतले उरखा केरा।

लू‍कस 6:42

नीन निंग्‍है ख़न्न ता च‍इलन मल थिथाब'अदय ती निंग्‍है भईसिन ब'अदय, अना भ‍ई, ऎन निंग्‍है ख़न्न ता कंटेन ओथ्र'ओन चि'ओन, एन्ने एन्‍देरगे ब'अदय? अना उतुरमाड़ू, मुन्‍द निंग्‍है ख़न्न ता च‍इलन ओथ्र'आ, होले नीन निंग्‍है भईसी ख़न्न ता कंटेन ओथ्र'आ गे फरीफरी ऎरा ओंगोय।

यॊहनस 4:28

आ आली अम्मु कट्टुन अम्‍बिया ती पद्दा नू केरा ती आलारिन बाचा,

2 कोरिन्‍थ 5:16

औंगे ऎम अक्कु ती नॆकन हूँ कया ही सुबहा ती मल लेखदम जोक्खदम, ऎम मुन्द मसीसिन एन्ने कया सुबहा ती लेखकम जोक्खकम, लिकिन अक्‍कु ती इकला हूँ आसिन अन्नेम मल नन्दम।