लू‍कस 4:20 - पुना गच्छरना NT (BSI)

²⁰ तहाँ आस पुथिन डबचस ती जॊंख़ासी ख़ेक्खा नू चिच्‍चस अरा आलारिन सिखाब'आ गे उक्‍कियस। अरा गोड़हा एड़पा ता ओर्मा आलर आसिन ऎरते रहिकेरर।

लू‍कस 4:20 ပူးပေါင်းရင်းမြစ်များ

मत्तायोस 26:55

तहाँ येसुस गोंहड़ा आबोन बाचस, “ऎन गा उर्मी उल्‍ला धर्मेसी मन्दिर नू निम्‍है गने सिखाब'आ लिक्‍कन। ख़ने नीम एंगन मल धरचकर। नीम डाकू आलारिन धरना लेक्‍खा एंगन धर'आ गे तलवार अरा सोट्टा धर'अरकी बरचकादर।

मत्तायोस 27:60

अरा तंग्‍है पुना मसड़ा नू कीदस, एकदा चचड़ी नू पत्तरकी कम्रकीचा। अरा मसड़ा ही बली नू ओन्‍टा कोहाँ पखनन उर्दियस ती किर्रिम बिच्‍चियस।

लू‍कस 19:48

लिकिन एन्‍देर उपाय हूँ नना पोल्‍लर का एन्ने एकासे ननोम, एन्‍देरगेका ओर्मा आलर आसहीन मेना लक्‍का रहचर।

लू‍कस 4:17

आस गे धर्मेसी कत्‍था तिंगुस यसायासी पुथी चितारा, अरा आस पुथिन चलख़'अरकी आ अड्डन ख़क्‍खियस ती पढ़चस एसन एन्ने लिख्रकी रहचा:

लू‍कस 4:21

तहाँ आस आरिन ब'आ हेलरस, “नीम अक्‍कु एंग्‍है ती पढ़चकन मेंजकर, आद एंग्‍है ती इन्नम पुरचकी र'ई।”

लू‍कस 5:3

येसुस अबड़ा डोंगा गुट्ठी ती ओन्‍टा नू अरगियस एकदा सिमॊनसी रहचा। अरा आसिन बाचस का पिंडी ती कटिक गुछा ब'आ। तहाँ येसुस डोंगा नू उक्‍कियस ती आलारिन सिखाब'आ हेलरस।

यॊहनस 8:2

अरा पैरी बारी आस धर्मेसी मन्दिर चाली नू अउरिम बरचस। ख़ने ओर्मा आलर आसी गुसन बरचर, अरा आस उक्‍कियस ती आरिन सिखाब'आ हेलरस।

त‍इरकर 16:13

ख़न्न ऎख़्रना उल्‍ला ऎम नगरे ही फाटक ती बहरी ख़ाड़ ही पिंडी नू गोहरारना अड्डा र'ई बाचकम ती केरकम। अरा ऎम असन उक्‍कम ती असन ख़ॊंड़रका जोक्‍क मुक्‍कर गने कछनख्र'आ हेलरकम।

त‍इरकर 3:12

पतरस इदन ईरियस ती आरिन बाचस, “इस्राऎल आलारो! नीम इदही पत्त नू एन्‍देरगे अकबक मन्‍दर? ऎम एम्‍है सवंग ती मलता एम्‍है भगती ती ई आलासिन ऎकना कुद्दना जॊगे कमचकादम ब'अरकी नीम एम्‍है तरा एन्‍देरगे एन्ने ऎरा लगदर?