लू‍कस 4:18 - पुना गच्छरना NT (BSI)

¹⁸ “उर्बासी बॊलता एंग्‍है म‍इय्याँ र'ई, इदगे का आस एंगन कीड़र गे दौ कत्‍था मेन्‍त'आ गे चज्जिकादस। अरा आस एंगन हॆंरकारिन बछरनन तेंगा गे, अरा अन्‍धारिन ऎरत'आ गे, अरा ओर्मा तिरख़रकारिन छोड़ाब'आ गे,

लू‍कस 4:18 ပူးပေါင်းရင်းမြစ်များ

मत्तायोस 11:5

अन्‍धहर ऎरनर अरा लेंगड़र ऎकनर अरा खसरा रोगियर सफा नन्तारनर अरा भइरा आलर मेनालनर अरा केचका आलर उज्‍जतारनर अरा कीड़र गे दौ कत्‍था तेंगतार'आ लगी।

मत्तायोस 12:18

“ऎरा, इसन एंग्‍है जॊंख़स, ईसिन ऎन चज्‍जिका र'अदन। ईस एंग्‍है चोन्‍हास एकासी ती एंग्‍है जिया रिझ्र'ई। एंग्‍है बॊलतन आसी नू सज'ओन, अरा आस उर्मी जातियर नू एंग्‍है नेंवई ही हला तेंगोस।

मत्तायोस 12:20

आस लट'ई मंजका जिन्‍तो लट्टिन मल एस'ओस महले कुहड़ारना बिल्‍लिन मल तेभ'ओस। अरा आस नेंव‍ई आबोन जितना गूटी कड़हाब'ओस।

मत्तायोस 4:16

पाप ही ऊख़ा नू र'ऊ आलर नाड़रना ही ओन्‍टा कोहाँ बिल्‍ली ऎरोर। अरा खे'अना ही एलचना नू अरा ऊख़ा राजी नू र'ऊ आलर मइय्याँ रिझ्रना ही बिल्‍ली बिल्‍चो।”

मत्तायोस 5:3

“नॆ तम्‍है बॊलता ही चाड़ गे धर्मेस म‍इय्याँ असरा उइय्यरकी र'अनर, आरिन धर्मेस आसीस ननोस, आर मेर्ख़ा राजी ता आलर हिकनर।

लू‍कस 4:17

आस गे धर्मेसी कत्‍था तिंगुस यसायासी पुथी चितारा, अरा आस पुथिन चलख़'अरकी आ अड्डन ख़क्‍खियस ती पढ़चस एसन एन्ने लिख्रकी रहचा:

लू‍कस 6:20

ख़ने येसुस तंग्‍हा चेलर तरा किर्रे ईरीयस ती बाचस, “अना मलकारो धर्मेस निम्हा ती खुसमारदस, एन्‍देरगेका धर्मेसी राजी निम्‍है दिम हवे।

लू‍कस 7:22

अरा येसुस आरिन बाचस, “नीम एन्‍देर एन्‍देर ईरकर अरा मेंजकर अदिन कला ती यॊहनसिन तेंगा चि'आ, अन्‍धहर ऎरनर अरा लेंगड़र ऎकनर अरा खसरा रोगियर सफा नन्तारनर अरा भइरा आलर मेनालनर अरा केचका आलर उज्‍जतारनर अरा कीड़र गे दौ कत्‍था तेंगतार'आ लगी।

यॊहनस 1:41

अन्‍द्रेयस मुन्‍द तंग्‍है भ‍इय्योस सिमॊनस गने भेंट मंजस ती बाचस, “ऎम मसीसिन ख़क्‍खकादम।” (मसीसिन ‘ख़्रिसतोस’ एन्ने हूँ ब'अनर।)

यॊहनस 12:46

ऎन ख़ॆख़ेल नू बिल्‍ली लेक्‍खा बरचका र'अदन। औंगे नॆ एंगन पत्त'ओस आस ऊख़ा नू मल र'ओस।

यॊहनस 3:34

नॆकन धर्मेस तइय्कादस, आस धर्मेसी कत्‍था गुट्ठिन ब'अदस, एन्‍देरगेका धर्मेस आस गे नेम्‍हा बॊलतासिन बिगर नपदस जोक्‍खदस ती चि'अदस।

त‍इरकर 10:38

नासरेत ता येसुसिन धर्मेस नेम्‍हा बॊलतस ती अरा सवंग ती बड़ियर नंजस अरा धर्मेस आसी गने रहचस। ख़ने आस दौ नन्नुम अरा सैतान ती बझ्रका आलारिन कोड़े नन्नुम कुद्दा लगियस।

त‍इरकर 26:18

ऎन आर ही ख़न्न चलख़'आ गे निंगन आर गुसन त‍इय्या लगदन। ख़ने आर ऊख़ा ती बिल्‍ली तरा किर्रा ओंगोर, अरा सैतान ही अदिया ती धर्मेस तरा किर्रा ओंगोर। फिन आर पाप गुट्ठी ही छमा ख़क्‍खा ओंगोर अरा एंग्‍है म‍इय्याँ ता पत्त'अना ती नेम्‍हा मन्रका आलर गने अड्डा ख़क्‍खा ओंगोर।’

त‍इरकर 4:26

ख़ॆख़ेल ता बॆलर लड़ाई गे चॊचर अरा अक्‍स'उर उर्बासी बिड़दो अरा आसी मसीसी बिड़दो नू ख़ॊंड़रर।’

त‍इरकर 4:27

इसन हॆरॊदॆस अरा पोन्‍तियुस पिलातुस नन-यहूदीर अरा इस्राऎल आलर गने येरुसलॆम नू ख़ॊंड़रर ती नीन मसी कमचका निंग्‍है नेम्‍हा जॊंख़स येसुसी बिड़दो नू चॊचर।

कोलोस्से 1:13

आसिम नमन ऊख़ा ही आकुस ती नाड़ियस ती तंग्‍हा चोन्‍हा ख़द्दासी राजी नू मंखियस।

याकॊब 2:5

अना एंग्‍है चोन्‍हा भईरो, मेना, एन्‍देर धर्मेस ई ख़ॆख़ेल ता कीड़ा आलारिन पत्त'अना नू उरुब मना गे, अरा तंग्है मइय्याँ चोन्हा ननुर गे तान गच्छरका राजी ही अदिया मना गे मल्ला चज्जिका का?

1 पतरस 2:9

लिकिन नीम गा ओन्टा चज्‍जिका जंईपुंई, अरा ओन्टा बॆल नैग ख़ोंड़हा, अरा ओन्टा नेम्‍हा जाती, अरा धर्मेसी तंग्‍है आलर हिकदर। नॆ निमन ऊख़ा ती ओथ्रस ती तंग्है अजगुत लौकारना बिल्‍ली नू मीख़ियस ओन्द्रस, आसी कोहाँ नलख गुट्ठिन आलर गे तेंगा गेम नीम एन्ने मन्रकादर।