लू‍कस 4:15 - पुना गच्छरना NT (BSI)

¹⁵ आस यहूदीर ही गोड़हा एड़पा गुट्ठी नू सिखाब'आ हेलरस, अरा ओर्मर आसी ओहमा ननालियर।

लू‍कस 4:15 ပူးပေါင်းရင်းမြစ်များ

मत्तायोस 13:54

अरा तंग्‍‍है परदका नगरे नू बरचस ती आर ही गोड़हा एड़पा नू एन्ने सिखाब'आ हेलरस का आर अनचकरर ती ब'आ हेलरर, “ईस गे इबड़ा लूर अरा अकबक नलख नना गे सवंग एसलेक ख़क्‍खरा?

मत्तायोस 4:23

येसुस गोट्टा गलिलेया नू कुद्दा कुद्दा आर ही गोड़हा एड़पा गुट्ठी नू सिखाब'आलियस अरा मेर्ख़ा राजी ही पत्त ता दौ कत्‍था तेंगा कुद्दा लगियस, अरा उर्मी आलर ही रोगे अरा पयहा गुट्ठिन उजग'आ लगियस।

मत्तायोस 9:35

इदही ख़ॊख़ा येसुस आ चक ता उर्मी नगरे नगरे अरा पद्दा पद्दा कुद्दनुम आर ही गोड़हा एड़पा नू सिखाब'अनुम धर्मेसी राजी ही दौ कत्‍था मेन्‍त'आनुम कुद्दा लगियस। अरा जम्मा रकम ही पयहा अरा रोगेन कोड़े नंजस।

मत्तायोस 9:8

इदिन ईरयर ती आलर इल्‍चियर केरर अरा धर्मेसी ओहमा नना हेलरर एकास आलर गे एन्ने आकुस चिच्कादस।

मरकुस 1:27

असन रहचर ओर्मर अनचकरर केरर, अरा ताम ताम कछनख्र'आ हेलरर, “बब्बारे! ई सिखाब'अना एकासे? ईद गा आकुस गने पुना सिखाब'अना। आस मलदौ बॊलतन हूँ आनदस, अबड़ा हूँ आसी कत्‍थन मिनी।”

मरकुस 1:39

ख़ने आस अरा आसी चेलर गोट्टा गलिलेया जिला नू केरर। असन आस यहूदी गोड़हा एड़पा नू दौ कत्‍थन मेन्‍त'आलियस। अरा आस आलर म‍इतले नादन हूँ ओथ्र'आलियस।

मरकुस 1:45

लिकिन आस तंगन येसुस एकासे कोड़े नंजस अदन नगदे आलारिन तेंगा हेलरस। ई चड्डे येसुस आलर ही ऎथ्रना नू एकअम नगरे नू काला पोल्‍लस, एन्‍देरगेका कोहाँ गोंहड़ा ख़ॊंड़रा। औंगे आस नगरे ही बहरी उछिन्‍द अड्डा नू रहचस। अन्नु हूँ ओनबेंड़र'आ ती आलर आसी गुसन बर'आलियर।

लू‍कस 13:10

येसुस ओन्‍टा ख़न्न ऎख़ना उल्‍ला नू ओन्‍टा गोड़हा एड़पा नू सिखाब'आलियस।

लू‍कस 4:16

फिन आस नासरेत नू बरचस, एसन आस पॊसरका परदका रहचस। अरा तंग्‍है चाल ही लेक्‍खा यहूदी ख़न्न ऎख़ना उल्‍ला नू यहूदीर ही गोड़हा एड़पा केरस। असन आस धर्मेसी पुथिन पढ़'आ गे इज्‍जस।