लू‍कस 3:16 - पुना गच्छरना NT (BSI)

¹⁶ यॊहनस ओर्मारिन बाचस, “ऎन गा निमन अम्मु ती नॊड़रत'अदन, लिकिन एकास बर‍'ऊ र'अदस आस एंग्‍है ती कोड़हे सवंगिय र'अदस। ऎन ई जॊगे हूँ मलकन का आसी जूता गुट्ठी ही ऎपन हूँ कोल्‍ला ओंगोन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍ची ती नॊड़'ओस।

लू‍कस 3:16 ပူးပေါင်းရင်းမြစ်များ

मत्तायोस 3:11

ऎन गा जियन किर्त'आ गे अम्म ती नॊड़रत'अदन, लिकिन एकास एंग्‍है ख़ॊख़ा बर‍'ऊ र'अदस, आस एंग्‍है ती कोड़हे सवंगिय र'अदस। ऎन गा आसी खरपन चॊदना जॊगे मलकन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍च ती नॊड़त'ओस।

मत्तायोस 3:12

आस तंग्‍है के‍तेर ती गहूँ अरा चींख़न बेग'ओस, अरा आस तंग्‍है खलिन बॆस लगे एर्रोस। अरा आस गोट गहूँन कुट्ठी नू उइय्योस, अरा चींख़न चिच्‍ची नू बस्‍सोस एकदा इकला हूँ मल तेभर'ओ।”

यॊहनस 1:26

ख़ने यॊहनस आनाकिर्ताचस, “ऎन गा अम्मु ती नॊड़रत'अदन, लिकिन निम्‍है मझी नू इसन ओर्तोस र'अदस, आसिन नीम बलदर।

यॊहनस 1:27

आस एंग्‍है ख़ॊख़ा बर'ऊ र'अदस, लिकिन ऎन आसी खरपन इँचना ही हूँ जॊगे मलदन।”

यॊहनस 1:33

ऎन हूँ आसिन बल्‍ला लिक्‍कन। लिकिन एंग‍न नॆ अम्मु ती नॊड़रत'आ गे तइय्यस, आसिम एंगन बाचस ‘नीन नॆख'आ मइय्याँ नेम्‍हा बॊलतन एत्तना अरा ओक्‍कनन ऎरोय, आसिम नेम्हा बॊलतस ती नॊड़रत'ओस।’

यॊहनस 7:38

नेम्‍हा पुथी ब'अना लेक्‍खा एंग्‍है मइय्याँ पत्त'उसी जिया ती उज्‍जना चि'ऊ अम्मु ख़ाड़ लेक्‍खा बाह'ओ उरखो।”

त‍इरकर 1:5

यॊहनस गा अम्मु ती नॊड़रताचस, लिकिन जोक्‍क उल्‍ला ख़ॊख़ा नीम नेम्‍हा बॊलतस ती नॊड़तार'ओर।”

त‍इरकर 10:44

इबड़ा कत्‍था गुट्ठिन पतरस तेंगा लगियस ख़नेम, कत्‍थन मिनू आलर म‍इय्याँ नेम्‍हा बॊलतस इत्तियस।

त‍इरकर 2:33

तहाँ धर्मेस आसिन होच्चस ती तंग्‍है गने ओक्‍तारकी राजी नन्ना ही म‍ईन आबोन चिच्‍चस। अरा आस बबस गच्‍छरका नेम्‍हा बॊलतासिन ख़क्‍खियस ती अदिन नमा चिच्‍चस, एकासे अक्‍कुन नीम ऎरदर अरा मेन्‍दर।

1 कोरिन्‍थ 12:13

एन्‍देरगेका नाम यहूदीर मलता नन-यहूदीर मलता बिट्ठी ननू जॊंख़ मलता छछिन्‍द र'अदत। अन्नु हूँ नाम ओर्मत ओन्‍टे नेम्हा बॊलतस ती ओन्‍टे मॆद नू नॊड़रकत। अरा नाम ओर्मत ओन्‍टे नेम्हा बॊलतासिन ख़क्‍खकत।