लू‍कस 23:4 - पुना गच्छरना NT (BSI)

⁴ ख़ने पिलातुस मुध नैगर अरा गोंहड़ा ती बाचस, “ऎन ई आलस म‍इय्याँ इन्द्रिइम दोस मल ख़क्‍खदन।”

लू‍कस 23:4 ပူးပေါင်းရင်းမြစ်များ

मत्तायोस 27:19

पिलातुस नेंवई नन्‍ना गदिया नू उक्‍काचस ख़ने, तंग्‍आली आसिन बाचा तइय्या, “नीन आ उजगो आलासी पत्त नू ख़ेक्खा अमके नना, एन्‍देरगेका ऎन चेरो माख़ा तुंगुल नू आसी चड्डे नगदे दुक्‍खे सारचकन।”

मरकुस 15:14

पिलातुस आरिन मेंजस, “एन्‍देरगे, ईस एन्‍देर दोस नंजकादस?” लिकिन आर अउरिम जॊर ती चिच्चि‍यारते र'आलियर, “ईसिन क्रुस नू ठोक'आ।”

लू‍कस 23:22

पिलातुस तिसर हॆल आरिन बाचस, “एन्‍देरगे, ईस एन्‍देर मलदौ नंजकादस? ऎन गा ईस नू पिटरना जॊगे एन्‍देर हूँ गुन्‍हा मल ख़क्‍खकन। औंगे ईसिन लौत'ओन ती अम्‍बोन चि'ओन।”

यॊहनस 18:38

पिलातुस आसिन बाचस, “मानिम एन्‍देर हवे?” आस एन्ने बाचस ती अउर हूँ बहरी यहूदीर गुसन केरस ती आरिन बाचस, “ऎन गा आसी मइय्याँ एन्‍देर हूँ बदी मल ख़क्‍खदन।

त‍इरकर 25:25

लिकिन ऎन ईस नू पिट्रना जॊगे दोस मल ख़क्‍खकन। अरा ईस कोहाँ बॆलासिन गोहार नंजस, ख़ने ईसिन रोम त‍इय्या गे घतचकन।

त‍इरकर 3:13

अब्राहम अरा इसाक अरा याकॊबसी धर्मेस, नम्‍है पूरखर ही धर्मेस तंग्‍है जॊंख़स येसुसिन महबा नंजस। नीम आसिन पिलातुस गे सोंपचकर, अरा पिलातुस आसिन अम्‍बा बिद्दियस ख़ने, नीम आसिन ताड़चकर।

इब्रानी 7:26

एन्नेम नम्‍है चाड़ ही लेक्‍खा आस नमा कोहाँ नैगस र'अदस। आस नेम्‍हा अरा बिगर बदी मंजका अरा बिगर दगहा हिकदस। अरा आस पपहर ती भिने मंजका आल र'अदस, अरा आस गे मेर्ख़ा नू म‍ईन ही कोड़हे कोहाँ अड्डा चितारकी र'ई।

1 पतरस 1:19

लिकिन नीम बिगर बदी अरा बिगर पाप ही भेंडो ख़द्द लेक्खा मसीसी कोड़हे दाम ही ख़ॆंस ती नाड़रकादर।

1 पतरस 2:22

आस पाप मल नंजस अरा आस इकला हूँ मल ठगचस।

1 पतरस 3:18

इवंगेका मसीस नन्नर ही पाप गुट्ठी गे ओंग्होल लेका केच्चस केरस। आस धर्मेसी ऎरना नू उजगो रहचस, लिकिन आस निमन धर्मेस गुसन अंड़सत'आ गे धर्मेसी ऎरना नू उजगो मलकर गे केच्‍चस। आस कया ती गा पिटतारस, लिकिन बॊलतस नू उज्‍जतारस।