लू‍कस 23:2 - पुना गच्छरना NT (BSI)

² अरा आर आसी म‍इय्याँ एन्ने बाचर ती दोस ठेका ब'आ हेलरर, “ऎम ईसिन एम्‍है आलारिन बहक'‍अना ‍अरा कैसरस गे मालगुजारी चि'आ गे छेंकना अरा तंगन मसी बॆल ब'अना मेंजका र'अदम।”

लू‍कस 23:2 ပူးပေါင်းရင်းမြစ်များ

मत्तायोस 17:27

अन्नु हूँ इदगेका नाम आरिन अम्‍बोत मूड़त'आ। औंगे नीन समुदर नू कला ती गरी बॆचा। अरा एका इंजो मुन्‍द बझर'ओ अदिन हो'आ। अदही बइय्यन चलख़'आ, निंगा ओन्‍टा ढिबा ख़क्‍ख्र'ओ। अदिनिम हो'आ ती एंग्‍हा अरा निंगा गे चि'अके उइय्के।”

मत्तायोस 22:21

आर आसिन बाचर, “कैसरसी।” ख़ने आस आरिन बाचस, “औंगे कैसरस गे एन्‍देर चि'अना र'ई अदिन कैसरस गे चि'आ, अरा धर्मेस गे एन्‍देर चि'अना र'ई, अदिन धर्मेस गे चि'आ।”

मत्तायोस 27:11

अक्‍कु येसुस राजीख़ापू पिलातुसी मुन्‍दहारे इज्‍जकाचस, अरा पिलातुस आसिन मेंजस, “नीन यहूदीर ही बॆलय का?” येसुस किर्त'अर बाचस, “नीन ब'अदय अन्ने दिम हवे।”

मरकुस 12:17

ख़ने येसुस आरिन बाचस, “कैसरस गे एन्‍देर चि'अना र'ई अदिन कैसरस गे चि'आ, अरा धर्मेस गे एन्‍देर चि'अना र'ई, अदिन धर्मेस गे चि'आ।” ख़ने आर येसुसी ई कत्‍थन मेनरकी अनचकरर केरर।

मरकुस 15:2

ख़ने पिलातुस येसुसिन मेंजस, “नीन यहूदीर ही बॆलय का?” येसुस किर्त'अर बाचस, “नीन ब'अदय अन्ने दिम हवे।”

लू‍कस 23:14

अरा आरिन बाचस, “नीम ई आलासिन हुलहुली ननू बाचकर ती एंग्‍है गुसन ओन्‍द्रकर। अरा ऎरा, ऎन ईसिन निम्‍है मुन्‍दहारे जंच्‍चकन। लिकिन एका कत्‍था ही पत्त नू नीम ईस म‍इय्याँ दोस ठेकबाचकर अदिन ऎन आस म‍इय्याँ मल ख़क्‍खकन।

लू‍कस 23:5

लिकिन आर कोड़हे ब'आ लगियर, “ईस गलिलेया जिला ती ऒरे ननारकी इय्या गूटी यूदेया राजी नू ओर्मा अड्डा नू सिखाबाचस ती आलारिन भड़क'अदस।”

यॊहनस 18:29

खने पिलातुस बहरी आर गुसन बरचस ती मेंजस, “नीम ई आलासी बिड़दो नू एन्‍देर दोस नन्‍दर?”

यॊहनस 18:30

ख़ने आर आनाकिर्ताचर, “ईस गुन्‍हा नंजका आलस मल रहचका होले, निंग्‍है गुसन ईसिन मल ओन्‍द्र'ओम दने।”

यॊहनस 19:12

आ घड़ी ती पिलातुस येसुसिन अम्‍बा गे बिद्दियस। लिकिन यहूदीर चिच्चियार चिच्चियार बाचर, “नीन ईसिन अम्‍बोय होले, नीन कैसरसी संगीस मलदय, नॆ तंगन बॆल ब'अदस, आस कैसरसी बिड़दो नू चो'अदस।”

त‍इरकर 24:13

एका कत्‍था ही बदी ईर एंग्‍है बिड़दो नू ओन्‍द्रनर, अदही एन्‍देर हूँ सबुती चि'आ पोल्‍लोर।

त‍इरकर 24:5

एम्‍है अख़ना ती ई आलस गा हींड़'ऊ आलस हवे, अरा ख़ॆख़ेल ता ओर्मा यहूदीर नू लड़ाई नन्‍त'ऊ आलस हवे, अरा नासरेत ता ओर्तोसी धरम खोंड़हा ही मुद्ध आलस हवे।

रोमी 13:7

निमा ओर्मर गे एन्‍देर एन्‍देर चि'अना र'ई अदिन चि'आ। नॆका मालगुजारी चि'अना र'ई आर गे मालगुजारी चि'आ, नॆका ख़ल्ल गोड्डा ही मालगुजारी चि'अना र'ई आर गे ख़ल्ल गोड्डा ही मालगुजारी चि'आ, नॆकन एल्‍चना र'ई आरिन एल्चा, नॆका म‍ईन नन्ना र'ई आरिन म‍ईन नना।