लू‍कस 22:53 - पुना गच्छरना NT (BSI)

⁵³ ऎन गा उर्मी उल्‍ला धर्मेसी मन्दिर नू निम्‍है गने रहचकन। आ बारी नीम एंगन मल धरचकर। लिकिन अक्‍कुन गा निमा गे धर्मेस एन्ने नना गे चिच्‍चस, अरा ऊख़ा ही आकुस राजी ननी।”

लू‍कस 22:53 ပူးပေါင်းရင်းမြစ်များ

मत्तायोस 21:23

तहाँ आस धर्मेसी मन्दिर नू केरस ती सिखाब'आ लगियस ख़ने, मुध नैगर अरा सेयान आलर आसी गुसन बरचर ती आसिन मेंजर, “नीन इबड़ा नलखन नॆखा आकुस ती ननालदय? अरा निंगा इबड़न नन्ना ही आकुस नॆ चिच्‍चा?”

लू‍कस 22:52

तहाँ येसुस एका ओर्तर आसिन धर'आ गे बरचकाचर, अबड़ा मुध नैगर अरा धर्मेसी मन्दिर ख़ापू सैनर ही मुद्धर अरा सेयान आलारिन बाचस, “नीम बटपार आलर ही बिड़दो नू बरना लेक्‍खा तलवार गुट्ठी अरा सोट्टा गुट्ठी धर'अरकी बरचकादर।

लू‍कस 22:54

तहाँ आर येसुसिन धरचर ती होच्‍चर। अरा आसिन कोहाँ नैगासी एड़पा ओन्‍द्रर। पतरस गेच्‍छा गेच्‍छा ती ख़ॊख़ा ख़ॊख़ा ईकनुम बरचस।

यॊहनस 12:27

अक्‍कुन एंग्‍है जिया उकुल बुकुल मंजकी र'ई। ऎन एन्‍देर ब'ओन? बंगायो, ई सस्‍ती ही बेड़ा ती एंगन बछाब'आ ब'ओन का? मला, ऎन इदगेम ई बेड़ा गूटी बरचकादन।

यॊहनस 13:30

असमा कुटकन इंझ्रस ती आ बारिम यूदस बहरी किर्रिम बिच्‍चियस। आ बारी माख़ा रहचा।

यॊहनस 14:30

ऎन निम्‍है गने अउर घड़ी मल कछनख्र'ओन, ईगेका ई ख़ॆख़ेल ता अक्‍स'उस बर'आ लगदस। आस गे एंग्‍है म‍इय्याँ अदिया मल्‍ला।

यॊहनस 7:30

तहाँ जोक्क आलर येसुसिन हें'आ बेद्द लगियर, लिकिन नॆ हूँ आसिन धर'आ गे मुन्‍द मल बरचर, एन्‍देरगेका अक्‍कुन गूटी आसी ठौका बेड़ा मल अंड़सकीचा।

यॊहनस 7:45

तहाँ धर्मेसी मन्दिर ख़ापू सैनर मुध नैगर अरा फरिसीर गुसन बरचर ख़ने, आर आरिन मेंजर, “नीम येसुसिन एन्‍देरगे मल ओन्‍द्रकर।”

त‍इरकर 26:18

ऎन आर ही ख़न्न चलख़'आ गे निंगन आर गुसन त‍इय्या लगदन। ख़ने आर ऊख़ा ती बिल्‍ली तरा किर्रा ओंगोर, अरा सैतान ही अदिया ती धर्मेस तरा किर्रा ओंगोर। फिन आर पाप गुट्ठी ही छमा ख़क्‍खा ओंगोर अरा एंग्‍है म‍इय्याँ ता पत्त'अना ती नेम्‍हा मन्रका आलर गने अड्डा ख़क्‍खा ओंगोर।’

इफेसुस 6:12

एन्‍देरगेका नम्‍है ई अरबानख्रना ख़ॆंस अरा अहड़ा ती लेका मला। ईद मलदौ राजी ननुर गे, अरा मल ऎथरना सौंसे ही अदिया गुट्ठी गे, अरा ई ख़ॆख़ेल ही ऊख़ा ही कोड़हे सवंग गुट्ठी गे, अरा ताका ही राजी ता मलदौ बॊलता गुट्ठी गे बिड़दो नू र'ई।

कोलोस्से 1:13

आसिम नमन ऊख़ा ही आकुस ती नाड़ियस ती तंग्‍हा चोन्‍हा ख़द्दासी राजी नू मंखियस।