लू‍कस 22:52 - पुना गच्छरना NT (BSI)

⁵² तहाँ येसुस एका ओर्तर आसिन धर'आ गे बरचकाचर, अबड़ा मुध नैगर अरा धर्मेसी मन्दिर ख़ापू सैनर ही मुद्धर अरा सेयान आलारिन बाचस, “नीम बटपार आलर ही बिड़दो नू बरना लेक्‍खा तलवार गुट्ठी अरा सोट्टा गुट्ठी धर'अरकी बरचकादर।

लू‍कस 22:52 ပူးပေါင်းရင်းမြစ်များ

मत्तायोस 26:47

येसुसी एन्ने ब'अना गनेम बारो चेलर ती ओर्तोस यूदस बरचस। आसी गने तलवार अरा सोट्टा धरचका ओन्‍टा कोहाँ गोंहड़ा बरचा। आरिन मुध नैगर अरा सेयान आलर त‍इय्‍का रहचर।

मत्तायोस 26:55

तहाँ येसुस गोंहड़ा आबोन बाचस, “ऎन गा उर्मी उल्‍ला धर्मेसी मन्दिर नू निम्‍है गने सिखाब'आ लिक्‍कन। ख़ने नीम एंगन मल धरचकर। नीम डाकू आलारिन धरना लेक्‍खा एंगन धर'आ गे तलवार अरा सोट्टा धर'अरकी बरचकादर।

लू‍कस 22:37

ऎन इदन ब'अदन, एन्‍देरगेका नेम्हा पुथी नू धर्मेसी कत्‍था तिंगुर एंग्‍है पत्त नू लिखचकानर का ‘ऎन दोसी बेसे बातार'ओन’ ईद पूरा मन्ना र'ई, हाँ, धर्मेसी कत्‍था तिंगुर एंग्‍है पत्त नू लिखचका जम्मा पूरा मनो दिम।”

लू‍कस 22:4

ख़ने आस मुध नैगर अरा धर्मेसी मन्दिर ख़ापुर ही मुद्धर गुसन कछनख्र'आ गे केरस का एका बने घत ती येसुसिन धरत'आ गे आर गे संगे चि'आ ओंगोस।

लू‍कस 22:51

तहाँ येसुस “हुरू, अमा नना” बाचस ती आसी ख़ेबदन कप्‍पियस ती आसिन कोड़े नंजस।

लू‍कस 22:53

ऎन गा उर्मी उल्‍ला धर्मेसी मन्दिर नू निम्‍है गने रहचकन। आ बारी नीम एंगन मल धरचकर। लिकिन अक्‍कुन गा निमा गे धर्मेस एन्ने नना गे चिच्‍चस, अरा ऊख़ा ही आकुस राजी ननी।”

यॊहनस 17:12

ऎन आर गने रहचकन ख़ने, नीन एंगा चिच्का निंग्‍है नामे ही सवंग ती ऎन आरिन ख़ापकन अरा बछाबाचकन। आर ही मधे ती नठारना गे ठनचकासिन अम्‍बर ओर्त हूँ मल्‍ला नठारका। इदगेका नेम्‍हा पुथी ता लिख्रका कत्‍था मनन नेकअन।

त‍इरकर 5:26

ख़ने धर्मेसी मन्दिर ख़ापुर ही मुद्धस सैनर गने केरर ती आरिन ओन्‍द्रर, लिकिन बड़पेलहा मला, एन्‍देरगेका आर आलारिन एलचियर का आलर तमन पखना ती लोड़ग'ओर।