लू‍कस 22:32 - पुना गच्छरना NT (BSI)

³² ऎन गा निंग्हा पत्त'अना मल अम्‍बर'आ गे बिन्‍ती नंजकन। एकाबारी नीन एंग्‍है गुसन किर्रोय निंग्‍है भ‍इय्योरिन बड़ियर ननके।”

लू‍कस 22:32 ပူးပေါင်းရင်းမြစ်များ

मत्तायोस 18:3

अरा बाचस, “ऎन निमन मानिम ब'अदन, एका गूटी नीम निम्‍है पाप ती किर्रोर ती सन्नी ख़द्दर बेसे मल मनोर, नीम मेर्ख़ा राजी नू कोर'आ पोल्‍लोर।

मत्तायोस 26:75

ख़ने पतरस गे येसुसी आ बाचका कत्‍था सुरता बरचा, “ख़ॆर चींख़ना ही मुन्‍द नीन तीन हॆल ऎन निंगन बलदन ब'ओय।” अरा आस बहरी केरस ती चींख़ियस।

मरकुस 14:72

ख़ने लॆम दुई हॆल ख़ॆर चींख़िया। ख़ने पतरस गे येसुसी आ बाचका कत्‍था सुरता बरचा, “पारेंड़ मून्‍द ख़ॆर चींख़ना ही मुन्‍द नीन तीन हॆल एंगन बलदन ब'ओय।” ख़ने आस इदन सोच'अरकी चींख़ा हेलरस।

मरकुस 16:7

अक्‍कुन नीम कला, चेलारिन अरा पतरसिन तेंगा का आस निमन ती मुन्‍द गलिलेया कालालदस, असन नीम आसिन ऎरोर, एकासे आस केचका मुन्‍द निमन बाचकाचस।”

लू‍कस 8:13

जोक्‍क आलर बिहनी खत्रका पखनोरी ख़ॆख़ेल लेक्‍खा हिकनर। आर कत्‍थन मेन्नर ती रिझ्रनुम इंझ्रनर। लिकिन आर तम्‍है जिया नू गड्डी गूटी कत्‍था मल खुपना चड्डे आर जुक्‍किम उल्‍ला गे कत्‍थन पत्त'अनर अरा सस्ती बर'ई ख़ने अदिन लॆम अम्‍बनर।

यॊहनस 14:19

जोक्‍क घड़ी ख़ॊख़ा ख़ॆख़ेल एंगन ऎरा दिम पोल्‍लो। लिकिन नीम गा एंगन ऎरोर, ईगेका ऎन उज्‍जालदन, नीम हूँ उज्‍जोर।

त‍इरकर 3:19

औंगे नीम जियन किर्त'आ, होले धर्मेस निम्‍है उर्मी पापन छमा ननोस।

रोमी 8:32

धर्मेस तंग्‍है ख़द्दासिन हूँ मल अम्‍बियस, आसिन नमा ओर्मर गे थोपचस चिच्‍चस। होले इवंदा चिच्का ख़ॊख़ा हूँ आस एकासे नमा गे तंग्‍है ख़द्दासिन चिच्‍चस अन्नेम नम्‍है उर्मी चाड़न सिथियम चि'ओस।

रोमी 8:34

आरिन नॆ नेंव‍ई ननरकी दंडे चि'आ उंगी? नॆ हूँ पुल्‍ली, एन्‍देरगेका मसी येसुस दंडे ख़क्‍खियस ती केच्‍चस। लिकिन आस गा केचका ती उज्‍जा चॊचस, अरा आस अक्‍कु धर्मेसी तीना पक्‍खा उक्‍कियस ती नमा गे गोहरारते र'अदस।

2 तीमोथियुस 2:18

आर मानिम कत्‍था सिखाब'अनन अमबियर चिच्‍चर। आर ब'अनर का केचका ती उज्‍जा चो'अना मंज ख़च्‍चकी र'ई। एन्ने ब'अना ती जोक्‍क आलर ही पत्त'अनन बगड़'अनर।

तीतुस 1:1

ऎन पौलुस धर्मेसी जॊंख़न अरा येसु मसीसी त‍इरकन। ऎन धर्मेसी चज्जिका आलर गे पत्त'अना ही अरा मानिम लूर अरा महबा डहरे नू कड़हाब'अना कत्‍था ही पत्त नू तेंगा गे, ई नलख नू एंगन सोंपचकादन।

इब्रानी 12:15

चिहुंक नन्‍ते र'आ का नॆ हूँ धर्मेसी मया आबोन ख़क्‍ख'आ गे अम्‍बोर अम्‍बर'आ, अरा एक‍अम ख़ड़ख़ा निम्‍है मझी नू उरखा गे अमा चि'आ। आद निमा दुक्‍खे चि'अरकी बग्‍गे आलारिन सोतबोड़'आ ननो चि'ओ।

इब्रानी 7:25

औंगे नॆ ईसी तरती धर्मेस गुसन बरनर आरिन आस ओर्मा उल्‍ला गे नाड़ा ख़च्‍चा ओंग्दस, एन्‍देरगेका आस आर गे गोहरार'आ गे जनमजुग गूटी उज्‍जा लगदस।

1 पतरस 1:1

ऎन पतरस येसु मसीसी तइरकन रॊम चक पोन्‍तोस अरा गलातिया अरा कप्‍पदोकिया अरा आसिया अरा बितुनिया नू छितयारर ती जोक्क उल्ला गे र'उर लेक्खा उज्जू धर्मेस ती चजरका आलर गे ई चिठिन लिखदन।

1 पतरस 1:13

औंगे नीम अपन अपन जियन नलख नना गे सपड़'आ। अरा खतिर नन्ना ती र'आ। अरा येसु मसीसी दहदर मन्ना ही बेड़ा नू निमा ख़क्ख्रना र'ई आ मया मइय्याँ निम्है उर्मी असरा आबोन उइय्या।

1 पतरस 1:5

नीम गा आ नाड़रनन ख़क्खना गूटी निम्‍है पत्त'अना ती धर्मेस तंग्है सवंग ती निमन ख़ापालदस। आ नाड़रना छेद्दे बेड़ा नू दहदर मना गे सपड़ारकी र'ई।

2 पतरस 3:14

औंगे अना चोन्हा आलारो, नीम इबड़ा कत्था गुट्ठी मन्ना ही पाब ऎरना ही चड्डे, नीम बिगर बदी अरा बिगर दगहा ही उज्जनन उज्जना ती धर्मेस गने कोड़े गने र'आ गे उर्मी तिहन नना।

1 यॊहन 2:19

आर नम्है कलीसिया गुट्ठी तिम उरखर, लिकिन मानी नू आर नम्है खोंड़हा ता मल रहचर। आर नम्है मधे ता आलर होले, नम्है गने बन्चका र'ओर दनेस। लिकिन आर नम्है ती उरखर केरर, इत्रु ती ईद फरी ईथर'ई का अबड़ा ओर्मर ती नॆ हूँ नम्है मधे ता मलनर।