लू‍कस 22:30 - पुना गच्छरना NT (BSI)

³⁰ अरा एंग्‍है राजी नन्ना उल्‍ला नू नीम एंग्‍है गने ओना मॊख़ा ओक्‍कोर। अरा नीम बॆल-गद्दी नू ओक्‍कोर ती इस्राऎल ही बारा गोतरन नेंवई ननोर।”

लू‍कस 22:30 ပူးပေါင်းရင်းမြစ်များ

मत्तायोस 19:28

येसुस आरिन बाचस, “ऎन निमन मानिम ब'अदन का इकला पुना सौंसे मनो अरा मनवा ख़द्दन ऎन एंग्‍है ओहमा ही बॆल-गदिया नू ओक्‍कोन, आ बारी एंग्‍है गने चॊंख़्रका नीम हूँ बारा गोटा बॆल-गदिया नू ओक्‍कोर ती इस्राऎल ही बारा गोतरन नेंवई ननोर।

मत्तायोस 5:3

“नॆ तम्‍है बॊलता ही चाड़ गे धर्मेस म‍इय्याँ असरा उइय्यरकी र'अनर, आरिन धर्मेस आसीस ननोस, आर मेर्ख़ा राजी ता आलर हिकनर।

मत्तायोस 8:11

अरा ऎन निमन ब'अदन, “बग्‍गे नन-यहूदी आलर पुरुब अरा पच्‍छिम तरती बर'ओर अरा मेर्ख़ा राजी नू अब्राहम अरा इसाक अरा याकॊबस गने मदी नू ओक्‍कोर।

लू‍कस 12:37

इनाम ख़क्‍खू हिकनर अबड़ा जॊंख़र, नॆकन उर्बस बर'ओ बारी एजरका ख़क्‍खोस। ऎन मानिम ब'अदन का उर्बस कड़मन भिड़'ओस ती आरिन मंडी ओना गे ओकत'ओस, अरा हेद्दे बर‍'अरकी आरिन सुसर'ओस।

लू‍कस 14:15

येसुस गने मंडी ओना उक्‍का मदहेर ती ओर्तोस इबड़ा कत्‍थन मेंजस ती आसिन बाचस, “नॆ धर्मेसी राजी नू मंडी ओनोर आर कोड़हे आसीस ख़क्‍खू आलर हिकनर।”

2 तीमोथियुस 2:12

नाम आसी चड्डे दुक्‍खे सारदत होले, आसी गने नाम हूँ बॆलर बेसे राजी ननोत। नाम आसी ख़ॊख़ा चॊंख़्र'उर मलदम ब'ओत होले, आस हों नमन तंग्‍है आलर मलदर ब'ओस।

याकॊब 1:1

धर्मेस अरा उर्बस येसु मसीसी जॊंख़न ऎन याकॊब, तम्है राजी ती बहरी बींड़रका इस्राऎल आलर ही बारा गोतोर ता पत्त'ऊ आलर निमा गे मोंजरा नन्दन ती ई चिठिन लिखदन।

दहदर मंजका कत्‍था 19:9

फेन आ मेर्ख़ा पैकस एंगन बाचस, “इदिन लिख'आ, नॆ भेंडो ख़द्दासी बेंजा ही मदी नू मॆख़रकानर, आर आसीस ख़क्ख'ऊ र'अनर।” अरा आस अउरिम एंगन बाचस, “इबड़ा धर्मेसी मानी कत्‍था गुट्ठी हवे।”

दहदर मंजका कत्‍था 3:21

एकासे ऎन जित्तचकन ती एम्बस गने आसी बॆल-गदिया नू उक्‍कन, अन्नेम नॆ जित'ओस आस गे ऎन एंग्‍है गने एंग्है बॆल-गदिया नू ओक्‍का गे अदिया चि'ओन।

दहदर मंजका कत्‍था 4:4

आ बॆल-गदिया ही चरियो तरा चौबीस गोट बॆल-गदिया रहचा। अरा इबड़ा बॆल-गदिया नू चौबीस सेयान आलर पंडरू किचरी अत्तका ती उक्‍का रहचर। अरा आर ही कुक्‍कु नू सोना ही मुकुट रहचा।