लू‍कस 22:20 - पुना गच्छरना NT (BSI)

²⁰ एन्ने चाल तिम ओंडका ख़ॊख़ा आस अउर ओन डुभा अंगुर रासिन होच्‍चस अरा बाचस, “ई डुभा धर्मेस अरा आलर ही मझी ता पुना गच्‍छरका हवे। ई गच्‍छरकन ऎन एंग्‍है ख़ॆंस ती बड़ियर नन्‍दन, ईद निमा गे दाँड़े बेसे बाहतार'ई।

लू‍कस 22:20 ပူးပေါင်းရင်းမြစ်များ

1 कोरिन्‍थ 11:25

ई लेक्‍खम खुड़तिन ओंडका ख़ॊख़ा, आस डुभा नू अंगुर रासिन होच्‍चस ती बाचस, “ई डुभा एंग्‍है ख़ॆंस ती मंजका पुना गच्‍छरना हवे। नीम एका एका बारी इदन ओन्‍दर, आ बारी एंगन सुरता नना गे इदन ननके।”

मत्तायोस 26:28

एन्‍देरगेका ई अंगुर रासी एंग्‍है ख़ॆंस हवे, एकदा ऎन बाहत'आ गे कालालदन, ई ख़ॆंस ती ऎन बग्‍गे आलारिन पाप ती अम्‍बा गे धर्मेस नंजका गच्‍छरकन बड़ियर ननोन।

इब्रानी 13:20

मसीसी ख़ॆंस ती जनमजुग ही गच्‍छरनन कमचका ती भेंडो ही कोहाँ महरस नम्‍है उर्बा येसुसिन केचका ती उज्‍जताचका कोड़े ही धर्मेस,

इब्रानी 12:24

अरा नीम पुना गच्‍छरना नू धर्मेस अरा आलर ही मझी आल येसुस गुसन बरचकादर। अरा नीम हाबेलसी ख़ॆंस ती बॆस कत्‍था तिंगू येसुसी छिंछड़ाचका ख़ॆंस गुसन बरचकादर।

इब्रानी 9:17

एन्‍देरगेका वसीयतनामा नंजका आलस एका गूटी उज्‍जदस आ गूटी आ वसीयतनामा नलख नू माल बर'ई। आसी केचका ख़ॊख़ा दिम आ वसीयतनामा नलख नू बर'ई।

2 कोरिन्‍थ 3:6

आस एमन तंग्है पुना गच्छरना ही सुसर'ऊ मना गे जॊगे मंजकादस। आ गच्छरना लिख्रका नॆग ती मल्‍ली, लिकिन बॊलतस ती मन्रकी र'ई। एन्‍देरगेका लिख्रका नॆग गा पिटी, लिकिन बॊलतस गा उज्‍जना चि'अदस।

इब्रानी 9:15

मसीस दिम पुना गच्‍छरना ही धर्मेस अरा आलर ही मझी आलस र'अस, औंगे धर्मेस ती मॆख़्रका आलर ओर्मर आसी गच्‍छरका जनमजुग आसीस आबोन ख़क्‍खा ओंगनर। एन्‍देरगेका आलर मुन्‍द ता गच्‍छरना ही बेड़ा नू नंजका पाप गुट्ठी ती आरिन अम्‍बत'आ गे मसीस केच्‍चस।

मरकुस 14:24

ख़ने आस आरिन बाचस, “ई अंगुर रासी एंग्‍है ख़ॆंस हवे एकदा ऎन बाहत'आ गे कालालदन, ई ख़ॆंस ती ऎन बग्‍गे आलारिन पाप ती अम्‍बा गे धर्मेस नंजका गच्‍छरकन बड़ियर ननोन।