लू‍कस 22:16 - पुना गच्छरना NT (BSI)

¹⁶ ऎन फिन इकला हूँ ई कट्टना ही ओन्ना-मॊख़नन मल ओनोन, एका गूटी ईद ही माने धर्मेसी आलारिन राजी नन्ना नू पूरा मल मनो।”

लू‍कस 22:16 ပူးပေါင်းရင်းမြစ်များ

लू‍कस 12:37

इनाम ख़क्‍खू हिकनर अबड़ा जॊंख़र, नॆकन उर्बस बर'ओ बारी एजरका ख़क्‍खोस। ऎन मानिम ब'अदन का उर्बस कड़मन भिड़'ओस ती आरिन मंडी ओना गे ओकत'ओस, अरा हेद्दे बर‍'अरकी आरिन सुसर'ओस।

लू‍कस 14:15

येसुस गने मंडी ओना उक्‍का मदहेर ती ओर्तोस इबड़ा कत्‍थन मेंजस ती आसिन बाचस, “नॆ धर्मेसी राजी नू मंडी ओनोर आर कोड़हे आसीस ख़क्‍खू आलर हिकनर।”

लू‍कस 22:15

अरा आरिन बाचस, “एंग्‍है कोड़हे मने रहचा का ऎन दुक्‍खे सारना ती मुन्‍द निम्‍है गने ई कट्टना ही ओन्ना-मॊख़नन ओनोन।

लू‍कस 22:18

ऎन एका गूटी धर्मेस आलारिन राजी नन्ना बेड़ा मनो अदिन ती मुन्‍द इकला हूँ ई अंगुर रासी आबोन मल ओनोन।”

लू‍कस 22:30

अरा एंग्‍है राजी नन्ना उल्‍ला नू नीम एंग्‍है गने ओना मॊख़ा ओक्‍कोर। अरा नीम बॆल-गद्दी नू ओक्‍कोर ती इस्राऎल ही बारा गोतरन नेंवई ननोर।”

यॊहनस 6:27

नठारना ओन्ना-मॊख़ना गे अमा अर्ज'आ। लिकिन जनमजुग उज्‍जनन चि'ऊ ओन्ना-मॊख़ना गे अर्ज'आ। ई ओन्ना-मॊख़नन मनवा ख़द्दन ऎन चि'ओन, एन्‍देरगेका धर्मे बंगस एन्ने नन्‍ना ही अदियन एंगा चिच्कादस।”

त‍इरकर 10:41

ओर्मा आलर गे मला, लिकिन नॆकन धर्मेस मुन्‍द तिम चज्जिका रहचस आ गोवाह गुट्ठिर गे आसिन दहदर नंजस। आ गोवाह ऎम हिकदम। आसी केचका ती उज्‍जा चॊचका ख़ॊख़ा ऎम आसी गने ओंडकम मोक्‍कम।

दहदर मंजका कत्‍था 19:9

फेन आ मेर्ख़ा पैकस एंगन बाचस, “इदिन लिख'आ, नॆ भेंडो ख़द्दासी बेंजा ही मदी नू मॆख़रकानर, आर आसीस ख़क्ख'ऊ र'अनर।” अरा आस अउरिम एंगन बाचस, “इबड़ा धर्मेसी मानी कत्‍था गुट्ठी हवे।”