लू‍कस 21:8 - पुना गच्छरना NT (BSI)

⁸ आस आरिन बाचस, “चिहुंक र'आ, निमन नीक‍ईम अम्‍बोर ठक'आ। नगदे आलर एंग्‍है नामे ती बर'अरकी ब'ओर, ‘ऎन मसीस हिकदन’ अरा बेड़ा अंड़सा ख़च्‍चकी र'ई, नीम आर ही ख़ॊख़ा अमके काला।

लू‍कस 21:8 ပူးပေါင်းရင်းမြစ်များ

मत्तायोस 24:11

अरा कोड़हे ठकवा धर्मेसी कत्‍था तिंगुर बोंग चो'ओर अरा बग्‍गेरिन भोड़ाब'ओर।

मत्तायोस 3:2

“जियन किर्त'आ एन्‍देरगेका धर्मेस आलर ही उज्‍जना नू राजी नन्ना ही बेड़ा हेद्दे अंड़सकी र'ई।”

मत्तायोस 4:17

आ बेड़ा ती येसुस तेंगा कुद्दा हेलरस, “जियन किर्त'आ एन्‍देरगेका धर्मेस आलर ही उज्‍जना नू राजी नन्ना ही बेड़ा हेद्दे अंड़सकी र'ई।”

लू‍कस 17:23

आलर निमन ब'ओर, ‘ऎरा, आस इसन र'‍‍अस महले असन र'अस।’ होले नीम असन अमके काला अरा आर ही ख़ॊख़ा अमके बोंगा।

लू‍कस 21:7

आर येसुसिन मेंजर, “अना उर्बायो! इबड़ा कत्‍था इकला मनो? अरा इबड़ा कत्‍था जम्मा मनो, इदन अख़'आ गे एन्‍देर चिन्‍हा मनो?”

लू‍कस 21:9

अरा इकला नीम लड़‍ई अरा हुलहुली गुट्ठी ही हलन मेनोर, आ बारी अमके बयार'आ। एन्‍देरगेका इबड़ा ही मुन्‍द मन्ना चाड़ र'ई, लिकिन मुंज्रना बेड़ा लॆम मल बर'ओ।”

यॊहनस 5:43

ऎन एम्‍बासी नामे ती बरचकादन, लिकिन नीम एंगन मल इंझ्रदर। नन्नस ओर्तस तंग्‍है नामे ती बरदस होले, आसिन नीम इंझर'ओर।

यॊहनस 8:24

औंगे नीम निम्‍है पाप गुट्ठी नू खे'ओर एन्ने ऎन बाचकन। नॆ बर'ऊ र'अस आस ऎनिम हिकदन एन्ने नीम मल पत्त'ओर होले, नीम निम्‍है पाप गुट्ठी नू खे'ओर।”

यॊहनस 8:28

ख़ने येसुस आरिन बाचस, “एकाबारी नीम मनवा ख़द्द एंगन म‍इय्याँ अरगत'ओर, आ बारी अख़'ओर का ऎन आसिम हिकदन नॆ बर'ऊ रहचस। अरा ऎन ऎनिम एन्‍देर हूँ मल नन्‍दन, लिकिन एन्द्रन एम्‍बस एंगन सिखाबाचस, अदन दिम ऎन निमन ब'अदन एन्ने हूँ अख़'ओर।

1 कोरिन्‍थ 6:9

एन्‍देर नीम बलदर का मलदौ ननू आलर धर्मेसी राजी नू मल कोर'ओर? अमके ठकर'आ! पेहरन ही सोतरा नलख ननुर, महले मूर्तिन ऒड़ ननुर, महले नन्ना आली गुसन कालुर, महले लम्‍पट, महले मॆतर मॆतर गुसन अरा आलीर आलीर गुसन सोतरा ननुर,

इफेसुस 5:6

नॆ हूँ निमन अयंध'आ कत्था गुट्ठी ती ठग'आ गे अड्डा अमा चि'आ। एन्‍देरगेका इबड़ा नलख चड्डेम धर्मेसी कैर आसिन मल पॆस्र'उर मइय्याँ बर'ई।

2 थेस्‍सलोनिकॆयर 2:3

नेकअम गे कटीकुना हूँ ठक'आ गे मोका अमके चि'आ, एन्‍देरगेका धर्मेसी बिड़दो नू कोहाँ हुलहुली मन्‍ना ही मुन्‍द अरा नठारना नू कालू नॆग मलका ही आलस दहदर नन्ना ही मुन्‍द आ उर्बासी उल्‍ला मल बर'ओ।

2 तीमोथियुस 3:13

लिकिन मलदौ आलर अरा भुरिंयु आलर दगा चि'अनुम अरा दगा मूख़नुम बगड़ारते किर्रिमबि'ओर।

1 यॊहन 4:1

अना दुलारो, ई सौंसार नू नगदे बग्गे ठकवा धर्मेसी कत्था तिंगुर चॊचका र'अनर। औंगे नेम्हा बॊलतस ती ब'अदन ब'ऊ उर्मी आलारिन अमा पत्त'आ। लिकिन बिढ़'आ ती ऎरा का अबड़ा बॊलता गुट्ठी धर्मेस ती बरचका का मल्ली।

2 यॊहन 1:7

ई ख़ॆख़ेल नू बग्गे भुरइ'ऊ आलर चॊचका र'अनर, आर मल पत्त'अनर का येसु मसीस आल कया नू मंजस ती ख़ॆख़ेल नू बरचस। ईरिम भुरइ'ऊ अरा ठकवा मसी हिकनर।

दहदर मंजका कत्‍था 1:3

एकास धर्मेस ती मुन्द तिंका ई कत्‍था गुट्ठिन पढ़'उस अरा मिनुर अरा इय्या लिखचका लेक्खा ईकुर धर्मेस ती आसीस ख़क्ख'ऊ र'अनर। एन्‍देरगेका इबड़ा कत्था मन्ना ही बेड़ा हेद्दे अंड़सकी र'ई।

दहदर मंजका कत्‍था 12:9

अरा आ नगदे कोहाँ डेना र'ऊ नेर्रे किइय्या हेबड़तारा। ईदिम गोट्‌टा ख़ॆख़लन ठक'ऊ नाद अरा सैतान बारना पच्चा नेर्रे हवे। आद ख़ॆख़ेल नू हेबड़तारा अरा अदही उर्मी पैकर हूँ अदही गनेम ख़ॆख़ेल नू हेबड़तारर।