लू‍कस 2:9 - पुना गच्छरना NT (BSI)

⁹ आचका उर्बस ती ओन्‍टा पैकस आर गे ऎथ्रस, अरा उर्बासी महबा ही बिलचना महरर ही ओनबेंड़र'आ बिल्चिया। अरा आर नगदे इल्चियर।

लू‍कस 2:9 ပူးပေါင်းရင်းမြစ်များ

मत्तायोस 1:20

आस इबड़ा कत्‍था ही सोचनुम रहचस ख़नेम, उर्बासी पैकस आस गे तुंगुल नू ऎथ्रस दरा आनियस, “यॊसॆफ, दाऊदसी ख़द्दायो, नीन निंग्‍है आली मरियम आबोन ओन्‍द्र'आ गे अमा एल्‍चा, ‍आद नेम्‍हा बॊलतस ती ओत्‍था ऎख़ र'ई।

लू‍कस 1:28

मेर्ख़ा पैकस अदही हेद्दे केरस ती बाचस, “कोड़हे आसीस ख़क्‍खू निंगन ऎन मोंजरा नन्‍दन। उर्बस निंग्‍है गने र'अदस।”

लू‍कस 2:8

आ माख़ा आ चक नू महरर टोंका नू तम्‍है भेंडो गोंहड़ा गुट्ठिन ख़ापालियर।

लू‍कस 24:4

आर ई कत्‍था ही पत्त नू अकबकरर ख़ने, दुई झन आलर बिल्‍चना किचरी अत्तका आर ही हेद्दे इज्‍जर।

यॊहनस 12:41

यसायास येसुसी महबन ईरका चड्डे आसी पत्त नू तिंगियस ख़ने, इबड़ा कत्‍थन बाचस।

त‍इरकर 12:7

आचका उर्बासी ओन्‍टा पैकस बरचस ती इज्‍जस अरा कुठली नू बिल्‍ली बिल्‍चिया। आस पतरसी पंजर तरा ठुड्डस ती एज्‍जस अरा आसिन बाचस, “चाँड़हे चो'आ।” अरा पतरसी ख़ेक्खा ती सिकड़ी कोल्‍लरा ती खत्रा केरा।

त‍इरकर 27:23

एन्‍देरगेका नॆख'आ ऎन र'अदन अरा नॆख'आ सुसर नन्‍दन, आ धर्मेसी पैकस चेरो माख़ा बरचस ती एंगन बाचस,

त‍इरकर 5:19

लिकिन माख़ा उर्बासी ओन्‍टा पैकस जेहेल ही बलिन तिसगस ती आरिन बहरी ओन्‍द्रस ती बाचस,

2 कोरिन्‍थ 3:18

अरा नाम ओर्मत बिगर कुलकुटरका मुही तिम अयना लेक्‍खा उर्बासी महबन बिल्चदत। एन्नेम नाम महबा नू अउर महबा मनरकी आसी ऎथ्रना लेक्खा बदलतारदम। ईद उर्बस तिम बर'ई। आसिम बॊलतस हिकदस।

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

1 तीमोथियुस 3:16

ओर्मर अख़नर का महबा ही गम नगदे कोहाँ र'ई। धर्मेस आल कया नू तान ऎथरस अरा नेम्‍हा बॊलतस ती आस धर्मेसी ख़द्दस एन्ने इजताचस अरा मेर्ख़ा पैकर हूँ आसिन ईरियर। आस यहूदी मलनर आ जातियर नू मेन्‍तारस। अरा आस सौंसे ख़ॆख़ेल ता आलर ती पत्ततारस अरा आस मेर्ख़ा नू चोतारस।

इब्रानी 12:21

आ देखार कोड़हे भयभयान रहचा। औंगे मूसस हूँ बाचस, “ऎन एल्‍चदन ती अस्रदन।”

दहदर मंजका कत्‍था 18:1

इबड़ा कत्था ही ख़ॊख़ा ऎन अउर ओन्टा मेर्ख़ा पैकासिन मेर्ख़ा ती एत्तना ईरकन। आस गे कोड़हे अदिया रहचा, अरा आसी बिल्चना ती ख़ॆख़ेल बिल्चिया केरा।

दहदर मंजका कत्‍था 20:11

फेन ऎन ओन्टा कोहाँ पंड़रु बॆल-गदियन ईरकन, अरा अइय्या उक्‍कादस आसिन हूँ ईरकन। आसी मुन्दहारे ती मेर्ख़ा अरा ख़ॆख़ेल गुछरा केरा, अरा अबड़ा गे अड्डा मल ख़क्‍खरा, उर्मी धंसरा केरा।