लू‍कस 2:47 - पुना गच्छरना NT (BSI)

⁴⁷ ऎ बग्गे आलर येसुसी कत्‍थन मेनालियर आर आसी बुझुरना ती अरा आसी उत्तर चि'अना ती अकबकरर केरर।

लू‍कस 2:47 ပူးပေါင်းရင်းမြစ်များ

मत्तायोस 13:54

अरा तंग्‍‍है परदका नगरे नू बरचस ती आर ही गोड़हा एड़पा नू एन्ने सिखाब'आ हेलरस का आर अनचकरर ती ब'आ हेलरर, “ईस गे इबड़ा लूर अरा अकबक नलख नना गे सवंग एसलेक ख़क्‍खरा?

मत्तायोस 22:33

इदन मेंजर ती आलर आसी तेंगना ती अकबक मंजर केरर।

मत्तायोस 7:28

येसुस इबड़ा कत्था गुट्ठिन तेंगा मुं‍जा ख़च्‍चियस ख़ने गोंहड़ा गुट्ठी आसी सिखाब'अनन मेंजा ती अन‍चकरा केरा।

मरकुस 1:22

ख़ने आसी सिखाब'अना ही तरिका ती आलर अनचकरर केरर। एन्‍देरगेका आस यहूदी नॆग सिखाब'उर लेक्‍खा मला, लिकिन आकुस उइय्‍युस लेक्‍खा आरिन सिखाबाचस।

मरकुस 11:18

येसुस एन्‍देर नंजस अदिन मुध नैगर अरा नॆग सिखाब'उर मेंजर। ख़ने आर आसिन पिटा गे बेड़ा बेद्दते र'आलियर। आर गा आसिन एल्चालियर, इदगेका गोंहड़ा आसी सिखाब'अना ती अकबकरा केरा।

मरकुस 6:2

ख़न्न ऎख़ना उल्‍ला नू आस गोड़हा एड़पा नू सिखाब'आ हेलरस। बग्‍गे आलर अदन मेंजर ती अनचकरर केरर अरा जोक्को आलर ब'आलियर, “ईस गे एन्ने लूर ही कत्‍था, अरा एन्ने अकबक नलख नना गे सवंग एसलेक ख़क्‍खरा?

लू‍कस 2:18

महरर ही इबड़ा कत्‍था गुट्ठिन मेंजर आर ओर्मर अकबकरर।

लू‍कस 2:46

तिसर उल्‍ला नू आर आसिन धर्मेसी मन्दिर नू यहूदी सिखाब'उर गने ओक्‍करकी आर ती कत्‍था मेन्ना अरा आरिन प्रसन मेन्ना ख़क्‍खियर।

लू‍कस 4:22

ओर्मर आसिन सहरारर, अरा एका मया ही कत्‍था गुट्ठी आसी ब‍ई ती उरखालिया, अत्रु ती अकबक मंजर। लिकिन फिन ब'आ हेलरर, “ईस यॊसॆफसी तंग्‍दस मलदस का?”

लू‍कस 4:32

अरा आसी सिखाब'अना ती आर अनचकरर केरर। एन्‍देरगेका आस आकुस गने ब'आ लगियस।

यॊहनस 7:15

ख़ने यहूदीर हैकट मंजर ती ब'आ हेलरर, “ईस गे बिगर सिखिरकम इवंदा लूर एकासे बरचा?”

यॊहनस 7:46

धर्मेसी मन्दिर ख़ापू सैनर आनाकिर्ताचर, “नॆ हूँ ई आलस लेक्‍खा एन्ने कछनख्रकन ऎम इकला हूँ मल मेंजकम!”