लू‍कस 2:39 - पुना गच्छरना NT (BSI)

³⁹ ख़ने यॊसॆफ अरा मरियम उर्बासी नॆग लेक्‍खा जम्मन मुंजा ख़च्‍चियर ती गलिलेया जिला ही तम्‍है पद्दा नासरेत किर्रियर।

लू‍कस 2:39 ပူးပေါင်းရင်းမြစ်များ

मत्तायोस 3:15

ख़ने येसुस आसिन आनाकिर्ताचस, “अक्‍कु एन्नेम मना चि'आ, नमा गे एन्नेम धर्मेसी मने लेक्‍खा उर्मी नन्ना चाड़ र'ई।” ख़ने यॊहनस येसुसिन नॊड़रत'आ गे मने मंजस।

लू‍कस 1:26

एलिसबेत ही ओत्‍थाऎख़ मंजका ही छे महिना नू गलिलेया जिला ही नासरेत पद्दा नू धर्मेस गबरिऎल पैकासिन ओन्‍टा डिंडा पेल्लो हेद्दे त‍इय्‍यस।

लू‍कस 1:6

आर इरबर धर्मेसी ऎरना नू उजगो रहचर, अरा उर्बासी उर्मी पॆस‍का अरा नॆग गुट्ठी नू बने ईकुर रहचर।

लू‍कस 2:4

यॊसॆफस हों गलिलेया जिला ता नासरेत नगरे ती यूदेया जिला ता दाऊद बॆलासी ओक्‍करका नगरे बॆतलहेम केरस, एन्‍देरगेका आस दाऊदसी बनस ता रहचस।

लू‍कस 2:51

तहाँ आस आर ही गने नासरेत किर्रियस, अरा आर ही आकुस नू रहचस। लिकिन तंगियो इबड़ा जम्मा कत्‍थन तंग्‍है जिया नू उइय्या।

लू‍कस 4:16

फिन आस नासरेत नू बरचस, एसन आस पॊसरका परदका रहचस। अरा तंग्‍है चाल ही लेक्‍खा यहूदी ख़न्न ऎख़ना उल्‍ला नू यहूदीर ही गोड़हा एड़पा केरस। असन आस धर्मेसी पुथिन पढ़'आ गे इज्‍जस।

लू‍कस 4:23

तहाँ आस आरिन बाचस, “नीम एंग्‍है म‍इय्याँ ई हना ब'ओर दिम का ‘बैधायो, नीन निंगन कोड़े नना,’ ई कत्‍था ही मने नीम एन्ने मन'ओर का, ‘एन्‍देर एन्‍देर ऎम मेंजकादम का हैकट नलख कफरनहूम नू नीन नंजकय, अदिन इसन हूँ नना।’”