लू‍कस 2:38 - पुना गच्छरना NT (BSI)

³⁸ आद हूँ आ बेड़ा नू असन बरचा ती धर्मेसी ओहमा नना हेलरा। अरा आद नॆ येरुसलॆम ही बछरना ही पाव ऎरालियर अबड़र ती ख़द्दस येसुसी पत्त नू कछनख्र'आ हेलरा।

लू‍कस 2:38 ပူးပေါင်းရင်းမြစ်များ

मरकुस 15:43

अरिमतिया पद्दा ता यॊसॆफस डिढ नंजस ती पिलातुस गुसन केरस अरा येसुसी मॆदन नॆचस। यॊसॆफस गा यहूदीर ही सभा ता ओन्‍टा मुध आलस रहचस अरा धर्मेस इकला तंग्‍है आलारिन राजी ननोस अदिन आस पाब ऎरालियस।

लू‍कस 1:68

“इस्राऎल ही धर्मे उर्बस गे ओहमा मनन नेकअन, एन्‍देरगेका आस तंग्‍है आलारिन नाड़ा गे बरचकादस।

लू‍कस 2:25

आ बेड़ा येरुसलॆम नू सुमेयॊन नामे ओन्‍टा पचगी रहचस। आस उजगो अरा भगती आलस रहचस। आस इस्राऎल ही नाड़रनन ओन्‍द्र'उसी पाब ऎरालियस। अरा नेम्‍हा बॊलतस आसी म‍इय्याँ रहचस।

लू‍कस 2:36

हन्ना ना‍मे ओन्‍टा धर्मेसी कत्‍था तिंगू आली हूँ धर्मेसी मन्दिर नू रहचा। आद आसॆरसी गोतोर नू फनुऎलसी तंग्दा रहचा। आद नगदे पच्‍चकी किरकी रहचा। आद बेंज्रका ख़ॊख़ा तंग्‍आलस गने सात बछर लेका र'आ उंकी रहचा। फिन आस केच्‍चस केरस।

लू‍कस 23:51

आस यूदेया जिला ही अरिमतिया पद्दा ता आलस रहचस। आस गे यहूदी मुद्धर ही इबड़ा चिताबुता अरा नलख ती मने मल रहचा। अरा आस धर्मेस इकला तंग्‍है आलारिन राजी ननोस अदिन आस पाब ऎरालियस।

लू‍कस 24:21

लिकिन एमा असरा रहचा का आस इस्राऎल आलारिन नाड़ोस। इबड़ा कत्‍था ही मंजका इन्ना तीन उल्‍ला मंजा।

2 कोरिन्‍थ 9:15

धर्मेस चिच्कादस आ थाह'आ पोलना बरदान गे धन्‍यवाद।

इफेसुस 1:3

धर्मेस गे अरा नम्‍है उर्बस येसु मसीसी बंगस गे ओहमा मनन नेकअन। आस नमन मेर्ख़ा अड्डा गुट्ठी ती बरना बॊलता ही उर्मी आसीस गुट्ठी ती मसीस नू आसीस नंजकादस।