लू‍कस 2:25 - पुना गच्छरना NT (BSI)

²⁵ आ बेड़ा येरुसलॆम नू सुमेयॊन नामे ओन्‍टा पचगी रहचस। आस उजगो अरा भगती आलस रहचस। आस इस्राऎल ही नाड़रनन ओन्‍द्र'उसी पाब ऎरालियस। अरा नेम्‍हा बॊलतस आसी म‍इय्याँ रहचस।

लू‍कस 2:25 ပူးပေါင်းရင်းမြစ်များ

मरकुस 15:43

अरिमतिया पद्दा ता यॊसॆफस डिढ नंजस ती पिलातुस गुसन केरस अरा येसुसी मॆदन नॆचस। यॊसॆफस गा यहूदीर ही सभा ता ओन्‍टा मुध आलस रहचस अरा धर्मेस इकला तंग्‍है आलारिन राजी ननोस अदिन आस पाब ऎरालियस।

लू‍कस 1:41

एकाबारी एलिसबेत मरियम ही परिछ'अनन मेंजा, ख़नेम ख़द्द अदही ऒदर नू उदकारा, अरा एलिसबेत नेम्‍हा बॊलतस ती निन्‍दिया केरा।

लू‍कस 1:6

आर इरबर धर्मेसी ऎरना नू उजगो रहचर, अरा उर्बासी उर्मी पॆस‍का अरा नॆग गुट्ठी नू बने ईकुर रहचर।

लू‍कस 1:67

आ ख़द्दासी तम्‍बस जकरियास नेम्‍हा बॊलतस ती निन्‍दियस ती धर्मेसी कत्‍थन मुन्द तेंगा हेलरस।

लू‍कस 2:38

आद हूँ आ बेड़ा नू असन बरचा ती धर्मेसी ओहमा नना हेलरा। अरा आद नॆ येरुसलॆम ही बछरना ही पाव ऎरालियर अबड़र ती ख़द्दस येसुसी पत्त नू कछनख्र'आ हेलरा।

लू‍कस 23:51

आस यूदेया जिला ही अरिमतिया पद्दा ता आलस रहचस। आस गे यहूदी मुद्धर ही इबड़ा चिताबुता अरा नलख ती मने मल रहचा। अरा आस धर्मेस इकला तंग्‍है आलारिन राजी ननोस अदिन आस पाब ऎरालियस।

त‍इरकर 10:2

आस अरा आसी एड़पा ता उर्मी आलर धर्मेसिन एल्‍चा लगियर अरा महबा ननू रहचर। अरा आस कीड़र गे बग्‍गे चि'आ लगियस अरा ओर्मा बेड़ा धर्मेसिन गोहरार'आ लगियस।

त‍इरकर 10:22

ख़ने आर बाचर, “कोरनेलियोस नॆ सौ सैनर ही मुद्धस अरा उजगो आलस अरा धर्मेसी इल्‍चुस र'अदस। उर्मी यहूदी आलर आसी म‍ईन नन्नर। आस गे ओन्‍टा नेम्‍हा पैकस निंगन आसी एड़पा नू मॆख़ा ओन्‍द्र'आ गे पॆसस अरा निंग्‍है ती सिख्र'आ गे बारकी र'ई।”

त‍इरकर 2:5

आ बारी ख़ॆख़ेल ता बग्गे राजी ती परब गे बरचका भगती यहूदीर येरुसलॆम नू र'आलियर।

त‍इरकर 24:16

इदगे ऎन धर्मेसी ऎरना नू अरा आलर ही ऎरना नू एंग्‍है लखना आबोन सफा उइय्या गे चिहुट नंजका र'अदन।

2 पतरस 1:21

एन्देरगेका धर्मेसी कत्था तिंगुर ती बाचका ख़ॊख़ा मन्ना कत्था इकला हूँ आलर ही मने ती मल्ला मंजका। लिकिन आलर नेम्हा बॊलतासी कड़हाब'अना ती धर्मेसी कत्थन तिंगियर।