लू‍कस 2:2 - पुना गच्छरना NT (BSI)

² कुरॆनियुस सीरिया चक ही राजीख़ापुस र'ओ बारी मंजका पहिल नामेन लिखरना ईद रहचा।

लू‍कस 2:2 ပူးပေါင်းရင်းမြစ်များ

मत्तायोस 4:24

येसुसी पत्त ता कत्‍था गोट्टा सीरिया राजी नू बीड़्रा। आलर मिरगी, लकवा दरा कैनो मदहे बेमार ती लिंड्रका रोगियारिन अरा नाद धरचका आलारिन येसुस गुसन ओन्‍द्र'आ लगियर। अरा आस आरिन उजग'आ लगियस।

लू‍कस 2:1

अबड़ा उल्‍ला नू कैसर अगुस्‍तुस तरती पॆसका उरखा का रोमी आकुस ही किय्‍या अबड़ा उर्मी राजी ता आलर तम्है नामे लिखर'ओर। औंगे सरकार आर ही ती टेकस ऊज'आ ओंगो।

लू‍कस 2:3

ख़ने ओर्मा आलर तम्‍है नामे लिखर'आ गे तम्‍है तम्‍है पूरखर ही नगरे केरर।

लू‍कस 3:1

कैसर तिबेरयुस रोम राजिन राजी नन्ना ही पन्‍द्रा बछर नू पोन्‍तियुस पिलातुस यूदेया जिला ही राजीख़ापू रहचस। आ बेड़ा हॆरॊदॆस अंटिपस गलिलेया जिला ही बॆलस रहचस। अरा आसी तंग्ड़िस फिलिप्‍पोस इतुरैया अरा त्राख़ॊनितिस जिला ही बॆलस रहचस। अरा लुसानियास अबिलॆनॆ जिला ही बॆलस रहचस।

त‍इरकर 13:7

आस राजीख़ापुस सेरगियुस पौलुस गने रहचस। आ राजीख़ापुस बुधमान रहचस। आस बरनबास अरा स‍उलसिन मीख़ियस ती आर ती धर्मेसी कत्‍थन मेना बेद्दा लगियस।

त‍इरकर 18:12

गल्‍लियॊन अख़ाया देस ता राजी ख़ापुस रहचस, आ बारी जोक्‍क यहूदीर जुम्मरर ती पौलुसी बिड़दो मंजर ती आसिन धरचर अरा आसिन नेंव‍ई नन्ना अड्डा नू ओन्‍द्रर।

त‍इरकर 23:26

“महबा जॊगे फॆलिक्‍स राजीख़ापुस गे क्‍लौदियोस लुसियस तरती बग्‍गे मोंजरा।

त‍इरकर 26:30

तहाँ अग्रिप्‍पा बॆलस अरा राजीख़ापू फॆस्‍तुस अरा बेरनिकॆ अरा आर ही गने उक्‍का आलर चॊचर।

त‍इरकर 5:37

अदही ख़ॊख़ा नामे लेख्रना बेड़ा नू गलिलेया ता यूद‍स दहदर मंजस। आस नगदे आलारिन घुरियाचस ती तंग्‍है ख़ॊख़ा बर'आ चिच्‍चस। आस हूँ केच्‍चस अरा आसी पॆस्र'ऊ आलर ओर्मर छितियारर केरर।