लू‍कस 2:16 - पुना गच्छरना NT (BSI)

¹⁶ आर लॆम नगरे नू केरर अरा मरियम अरा यॊसॆफसिन अरा चरनी नू कीदरका आ बॊलॊ ख़द्दासिन ईरयर।

लू‍कस 2:16 ပူးပေါင်းရင်းမြစ်များ

लू‍कस 1:39

अबड़ा उल्‍ला नू मरियम सपड़ारा अरा लॆम यूदेया ही परता राजी ता ओन्‍टा नगरे नू केरा।

लू‍कस 19:32

त‍इरका आलर केरर अरा एकासे येसुस आरिन बाचस अन्नेम ख़क्‍खियर।

लू‍कस 2:12

निमा गे इदही एन्ने चिन्‍हा मनो। नीम ख़द्दासिन किचरी नू पोजोरका अरा चरनी नू कीदरका ख़क्‍खोर।”

लू‍कस 2:15

मेर्ख़ा पैकर आर ही गुसते मेर्ख़ा किर्रिम बिच्चियर ख़ने महरर ताम ताम बाचर, “गुचा, नाम बॆतलहेम क'ओत ती ई मंजका कत्‍थन ऎरोत एका पत्त नू उर्बस नमन तिंकादस।”

लू‍कस 2:17

महरर आसिन ईरका ख़ॊख़ा असन एन्देर एन्देर मंजा अरा ख़द्दासी पत्त नू मेर्ख़ा पैकस आरिन एन्‍देर एन्‍देर तिंगियस अदिन ओर्मारिन तिंगियर।

लू‍कस 22:13

ख़ने आर केरर ती एकासे येसुस बाचकाचस अन्नेम ख़क्‍खियर। अरा कट्टना ही सराजमा नंजर।