लू‍कस 2:14 - पुना गच्छरना NT (BSI)

¹⁴ “मेर्ख़ा नू धर्मेसी महबा मनन, अरा ख़ॆख़ेल नू नॆ धर्मेसिन खुसमारत'अनर अबड़ा ओर्मर गे सान्‍ति मनन।”

लू‍कस 2:14 ပူးပေါင်းရင်းမြစ်များ

मत्तायोस 21:9

आसी मुन्‍द ईकुर अरा ख़ॊख़ा ईकुर चिच्चि‍यारनुम ब'आलियर, “दाऊदसी ख़द्दस गे महबा मनन! धर्मेस ईसिन बरकत नन्‍दस नॆ उर्बासी आकुस गने बरदस। उर्मी ती म‍इय्याँ मेर्ख़ा नू र'ऊ धर्मेसी महबा मनन!”

लू‍कस 1:79

ऊख़ा नू उज्‍जुरिन अरा खे'अना ही एलचना नू र'उरिन बिल्‍ली ऎद'आ गे अरा नम्‍है कोड़े ही डहरे नू ऎकत'आ गे आस बर'ओस।”

लू‍कस 19:38

अरा बाचर, “आ बॆलासिन धर्मेस आसीस चि'ओस एकास उर्बासी नामे ती बरदस। अक्‍कु धर्मेस अरा आलर ही मझी नू सान्‍ति अरा उर्मी ती कोहाँ धर्मेस गे ओहमा मनन नेकअन।”

लू‍कस 2:13

ख़नेम आचका ही आ पैकस गने मेर्ख़ा पैकर ही ओन्‍टा ख़ोंड़हा ऎथ्रर ती धर्मेसी ओहमा नंजर ती बाचर,

लू‍कस 2:15

मेर्ख़ा पैकर आर ही गुसते मेर्ख़ा किर्रिम बिच्चियर ख़ने महरर ताम ताम बाचर, “गुचा, नाम बॆतलहेम क'ओत ती ई मंजका कत्‍थन ऎरोत एका पत्त नू उर्बस नमन तिंकादस।”

लू‍कस 3:22

अरा नेम्‍हा बॊलतस मॆद ही रूपे नू पेरवाँ लेक्‍खा येसुस म‍इय्याँ इत्तियस। अरा मेर्ख़ा ती एन्ने ब'अना मेन्‍द्रा, “नीन एंग्‍है चोन्‍हा ख़द्दय हिकदय, ऎन निंग्‍है ती बग्‍गे खुसमारदन।”

यॊहनस 14:27

ऎन निमा गे कोड़े चि'अरकी कादन, एंग्‍है कोड़ेन चि'अदन। ख़ॆख़ेल चि'अना कोड़े लेक्‍खा ऎन मल चि'अदन। औंगे नीम अमके उकुल बुकुल मना, अरा नीम अमके एल्‍चा।

यॊहनस 17:4

नीन एंगा नना गे चिच्का नलखन नंजकन मुंजकन ती, ऎन इय्या ख़ॆख़ेल नू निंग्‍है महबन दहदर नंजकन।

यॊहनस 3:16

धर्मेस गा ख़ॆख़लन एन्ने कोड़हे चोन्‍हा नंजस का आस तंग्‍है ओर्त लेका ख़द्दासिन चिच्‍चस। औंगे एकार आस नू पत्त'अनर आर मल नठार'ओर, लिकिन जनमजुग ही उज्‍जनन ख़क्‍खोर।

त‍इरकर 10:36

नीम अख़दर का धर्मेस इस्राऎल आलर गे तंग्‍है दौ कत्‍था त‍इय्यस अरा येसु मसीस ती नॆ ओर्मर ही उर्बस हिकदस कोड़े ही दौ कत्‍था तिंगियस।

रोमी 5:1

औंगे नाम पत्त'अना ती उजगो आल मन्‍तारदत, होले नम्‍है उर्बस येसु मसीस ती धर्मेस गने ओक्‍कना इजना र'ई।

इफेसुस 1:6

अदगे नाम आसी महबा ही मया गे ओहमा नन्दत नेकअन, एकदा आसी चोन्हा ख़द्दस येसुस नू नमा गे सिथियम चिच्‍चस।

इफेसुस 1:9

आस तंग्‍है चिताबुता ही गम आबोन नमा गे चलख़स। आद आस तंग्है दौ मने ही लेक्खा तान मसीस नू नन्ना चिताबुता रहचा।

इफेसुस 2:4

लिकिन धर्मेस गा सोग्‍गे ऎरना नू उरुब र'अदस, अरा आस तंग्‍है कोड़हे चोन्‍हा चड्डे नमन चोन्‍हा नंजस।

इफेसुस 2:7

आस मसी येसुस नू नम्है मइय्याँ ऎदका सोग्गे ती तंग्‍है मया ही कोहाँ खुर्जिन बरना परिया गुट्ठी नू ऎद'आ गेम इदन नंजस।

फिलिप्‍पी 2:11

अरा धर्मे बंगसी महबा गे उर्मी ततख़ा तेंग्र'ओ का येसु मसीस दिम उर्बस।

फिलिप्‍पी 2:13

एन्देरगेका धर्मेस निम्है नू नलख नन्दस, अरा तंग्‍है दौ चिताबुता ही लेक्खा नीम निम्है बॆस मने ती पॆस्र'आ गे अरा नना गे आस दिम सवंग चि'अदस।

कोलोस्से 1:20

अरा मसीस क्रुस नू बाहचका ख़ॆंस ती उर्मी आलॊ तंग्है गने सान्ति मना गे डहरे कमचस ती, ख़ॆख़ेल ता अरा मेर्ख़ा ता उर्मी आलॊन मसीस तिम तंग्‍है गने मेसाब'आ गे धर्मेस बिद्दियस।

2 थेस्‍सलोनिकॆयर 2:16

अक्‍कुन नम्‍है उर्बस येसु मसीस अरा नम्‍है धर्मे बंगस नमन चोन्‍हा नंजस ती तंग्‍है मया ती नमा सगरो जिया सालना अरा बॆस असरा चिच्चस।

दहदर मंजका कत्‍था 5:13

फेन ऎन मेर्ख़ा अरा ख़ॆख़ेल अरा ख़ॆख़ेल ही किय्या अरा समुदर ता उर्मी आलॊ एन्ने ब'अना मेंजकन, “नॆ बॆल-गदिया नू ओकदस आस गे, अरा नॆ भेंडो ख़द्द मसीस र'अस आस गे ओहमा, अरा मईन, अरा महबा, अरा सवंग हुल्‍लो ती हुल्‍लो गूटी र'अन नेकअन।”