लू‍कस 18:7 - पुना गच्छरना NT (BSI)

⁷ होले एन्‍देर धर्मेस तंग्‍है चज्जिका आलारिन नॆ उल्‍ला माख़ा आसिन गोहरारते र'अनर आर गे नेंव‍ई तिजाम मल ननोस का? एन्‍देर आस आर ही पत्त नू दिरी ननोस का?

लू‍कस 18:7 ပူးပေါင်းရင်းမြစ်များ

मत्तायोस 24:22

उर्बस अबड़ा उल्‍लन मल घटा ब'अना होले, नॆ हूँ मल बछर'ओर दने। लिकिन तंग्‍है चज्जिका आलर चड्डे आस अबड़ा उल्‍लन घटा बाचकादस।

मत्तायोस 24:24

एन्‍देरगेका जोक्‍कोर फसक‍ट'ओर ती ‘ऎन मसी हिकदन’ ब'ओर अरा जोक्‍कोर फसकट'ओर ती ‘ऎन धर्मेसी कत्‍था तिंगुस’ ब'ओर। अरा बेड़ाब'आ गे आर कोड़हे चिन्हा अरा अजगुत नलख गुट्ठिन ऎद'ओर, मना ओंगो होले धर्मेसी चज्‍जरका आलारिन हूँ बेड़ाब'ओर चि'ओर।

मत्तायोस 7:11

अन्ने नीम मलदौ मनरकी निंग्‍है ख़द्द-ख़र्रर गे दौ जिनिसन चि'आ अख़दर होले, मेर्ख़ा बंगस तंग्‍है गुसते ने'उर गे बॆस आलॊन नेम्‍हा बॊलतन चि'ओस दिम।

लू‍कस 11:13

अन्ने नीम मलदौ मनरकी निंग्‍है ख़द्द-ख़र्रर गे दौ जिनिसन चि'आ अख़दर होले, मेर्ख़ा बंगस तंग्‍है गुसते ने'उर गे नेम्‍हा बॊलतन चि'ओस दिम।”

लू‍कस 2:37

तहाँ आद चौरासी बछर ती रड़ियाही रहचा। आद धर्मेसी मन्दिरन कहियों मल अम्‍बालिया। आद उल्‍ला माख़ा उपास अरा बिन्‍ती नन्नरकी धर्मेसी महबा ननालिया।

लू‍कस 21:28

अरा इकला इबड़ा कत्‍था ही ऒड़ मनो नीम मॆन ऎररकी इज्जका र'अके। एन्‍देरगेका निम्‍है नाड़रना लॆम बर'ऊ र'ई।”

रोमी 8:33

नॆकन धर्मेस चज्जिकादस, आरिन नॆ दोस ठेकाब'आ ओंगोर? नॆ हूँ पोल्‍लोर, एन्‍देरगेका धर्मेस दिम आरिन उजगो आल नंजका‍दस।

कोलोस्से 3:12

औंगे नीम धर्मेसी चाजरका आलर लेक्‍खा, नेम्‍हा अरा दुलार र'अना ती, नीम कोड़हे सोग्गेन अरा दया आबोन अरा लुदऊ मन्नन अरा नर्मियाँ आबोन अरा खतिर मन्नन अत्ता।

1 थेस्‍सलोनिकॆयर 3:10

ऎम फेन निम्‍है गने भेंट मनोम ती निम्‍है पत्त'अना नू र'ई आ पयहा आबोन बड़ियर नना गे उल्‍ला दरा माख़ा नगदे गोहरारदम।

2 थेस्‍सलोनिकॆयर 1:6

धर्मेस उजगो र'अदस का आस नॆ निमन सस्‍ती नन्‍नर आर गे सस्‍ती चि'ओस।

1 तीमोथियुस 5:5

एका रड़ियाही मानिम नू संगरा ही जॊगे र'ई अरा तान लेका र'ई, होले आद धर्मेस म‍इय्याँ असरा उइय्यी अरा उल्‍ला माख़ा ने'अना अरा गोहरारना नू बुथरकी र'ई।

2 तीमोथियुस 1:3

ऎन निंगा गे धर्मेसिन धन्‍यवाद चि'अदन। ऎन धर्मेसिन निमन लखना गने महबा नन्‍दन, एन्नेम एंग्‍है पूरखर हूँ नंजर। ऎन सगरो उल्‍ला दरा माख़ा बिन्‍ती नू निंगन सोचदन।

2 तीमोथियुस 2:10

ख़ने ऎन चज्जरका आलर गे दौ ही चड्डे उर्मी दुक्‍खेन सारदन। होले अबड़र हों मसी येसुस नू पत्त'ओर ती नाड़नन जनमजुग ही महबा गने ख़क्‍खनर नेक‍अन।

तीतुस 1:1

ऎन पौलुस धर्मेसी जॊंख़न अरा येसु मसीसी त‍इरकन। ऎन धर्मेसी चज्जिका आलर गे पत्त'अना ही अरा मानिम लूर अरा महबा डहरे नू कड़हाब'अना कत्‍था ही पत्त नू तेंगा गे, ई नलख नू एंगन सोंपचकादन।

1 पतरस 1:1

ऎन पतरस येसु मसीसी तइरकन रॊम चक पोन्‍तोस अरा गलातिया अरा कप्‍पदोकिया अरा आसिया अरा बितुनिया नू छितयारर ती जोक्क उल्ला गे र'उर लेक्खा उज्जू धर्मेस ती चजरका आलर गे ई चिठिन लिखदन।

2 पतरस 3:9

जोक्क आलर बुझुरना लेक्खा उर्बस तंग्है गच्छरनन नना गे दिरी मल नन्दस। लिकिन आस निम्है नू कयास गने र'अदस। एन्देरगेका आसी मने ईद र'ई का, ओर्त हूँ अम्बोर नठार'आ, लिकिन ओर्मर जियन किर्त'ओर।

दहदर मंजका कत्‍था 18:20

अनय मेर्ख़ा ता आलॊ, अना नेम्‍हा आलारो अरा तइरकारो अरा धर्मेसी कत्था तिंगुरो! इदही नठारना ही चड्डे रिरयार'आ, एन्देरगेका आद एकासे निम्हा गने नंजा अन्नेम धर्मेस अदिन नेंवई नंजकादस”

दहदर मंजका कत्‍था 6:10

अरा अबड़र जॊरसरिया चिच्चियारर ती बाचर, “अना नेम्‍हा अरा मानिम सवंगिय उर्बायो, एका गूटी नीन नेंवई मल ननोय अरा ख़ॆख़ेल नू उज्जू आलर ती एम्है ख़ॆंस ही ऊजी मल किर्त'ओय?”

दहदर मंजका कत्‍था 7:15

ई चड्डेम ईर धर्मेसी बॆल-गदिया ही मुन्दहारे र'अनर ती आसी मन्दिर नू उल्‍ला माख़ा आसी तेतर-सुसर नन्नर। अरा नॆ बॆल-गदिया नू उक्‍कादस, आस आर ही गने ओक्र'ओस अरा आरिन ख़ापोस।