3 आ पद्दा नू ओर्त रड़ियाही आली रहचा। आ आली आस गुसन बरच बरच ब'आ लगिया, ‘एंग्है अरा एंग्है बैरीसी मझी ता नलखन नेंवई नना चि'आ।’
निंग्है बैरिस निंगन नेंवई ननू अड्डा हो'आलदस होले, कालो बारी डहरेनुम आस गने राजीरमा मना। एन्ने अम्बन मना का आस निंगन नेंवई ननुस गे चि'ओस, अरा आस निंगन सैनस गे चि'ओस, अरा सैनस निंगन जेहेल एड़पा नू सज'ओस चि'ओस।
“ओन्टा पद्दा नू ओर्त नेंवई ननुस रहचस, आस धर्मेसिन गा मल एल्चालियस अरा आलारिन हूँ मल गदन'आ लगियस।
जोक्क उल्ला गूटी गा आस अदिन मल मेंजस, लिकिन ख़ॊख़ा तान तानिम बाचस, ‘ऎन धर्मेसिन मल एल्चदन अरा आलारिन हूँ मल गदन'अदन।
अन्नु हूँ ई रड़ियाही आली एंग्है गुसन रेंघ'ई, अदगे ऎन अदिन नेंवई ननोन, होले आद घड़ी घड़ी बर'ओ ती एंगन अम्बन ख़ड़द'आ।’”