लू‍कस 18:12 - पुना गच्छरना NT (BSI)

¹² ऎन हप्‍ता नू दुई हॆल उपास नन्‍दन, अरा ऎन एंग्‍है उर्मी अर्जाचका ही दसमांस हूँ चि'अदन।’

लू‍कस 18:12 ပူးပေါင်းရင်းမြစ်များ

मत्तायोस 5:20

ऎन निमन ब'अदन का निम्‍है नलख यहूदी नॆग सिखाब'उर अरा फरिसीर ती दौ मल र'ओ होले नीम मेर्ख़ा राजी नू इकला हूँ मल कोर'ओर।

मत्तायोस 6:1

चिहुंक र'आ का आलर ही जियन निम्‍है तरा नतगा गे निम्‍है दौ नलखन अमा ऎद'आ। नीम अन्ने ननोर होले मेर्ख़ा नू र'ऊ निम्‍है धर्मे बंगस ती नीम इनाम मल ख़क्‍खोर।

मत्तायोस 6:16

नीम उपास ननो बारी उतुरमाड़ुर लेक्‍खा मुहिन हेन्दव'अके ती उपास अमके नना। आर तम्‍है मुहिन मड़ख़नर चि'अनर, एकत्रु आलर अख़'ओर का आर उपास र'अनर। ऎन निमन मानिमन ब'अदन का आर तम्‍है आसीस ख़क्‍खा ख़च्‍चियर।

मत्तायोस 6:5

एकाबारी नीम गोहरारदर, उतुरमाड़ुर लेक्‍खा अमके गोहरार'आ। आर गा गोड़हा एड़पा नू अरा दोप्‍फा डहरे नू इजनर ती गोहरार'आ गे पत्तारनर, होले आलर आरिन ऎरोर। ऎन निमन मानिमन ब'अदन, आर गे तम्‍है इनाम ख़क्‍ख्र'आ ख़च्‍चिया।

मत्तायोस 9:14

उन्‍दुल यॊहनसी चेलर येसुस गुसन बरचर ती मेंजर, “ऎम अरा फरिसीर उपास नन्‍दम, लिकिन निंग्‍है चेलर एन्‍देरगे उपास मल नन्‍नर?”

लू‍कस 11:42

ओहरे निमा फरिसी आलारो, नीम गा फुदेना अरा जीरा अरा उर्मी अड़ख़ा-चॆख़ेल ही दसमान्‍स चि'अदर, लिकिन नेंव‍ई आबोन ताड़दर चि'अदर अरा धर्मेसिन चोन्‍हा मल नन्‍दर। इबड़न नन्ना र'ई अरा अबड़न हूँ अमा अम्‍बा।

लू‍कस 17:10

एन्नेम नीम हूँ निमा गे पॆसका जम्मन नंज मुंजका ख़ॊख़ा एन्ने ब'अके, ‘ऎम लेड़पोंयहा जॊंख़म, एंग्‍‍है नन्ना नलखन लेका नंजकम।’”

रोमी 3:27

औंगे नॆका हूँ फुल‍ई नना गे अड्डा र'ई का? अदगे अड्डा मल‍की। एन्‍देरगे एन्‍ने मलकी? उजगो मनरकी धर्मेस ती इंझ्रतारना पॆसका आबोन पॆस्रना ती मला लिकिन पत्त'अना ती मनी।

1 कोरिन्‍थ 1:29

औंगे एकअम आलर हूँ धर्मेसी मुन्‍दहारे फुल‍ई नना पोल्‍लोर।

गलातिया 1:14

एंग्‍है बग्‍गे जातियर गुट्ठी ती नॆ एंग्‍है गने ता रहचर, आर ती यहूदी खोंड़हा नू परदनुम मुन्‍द काला लिक्‍कन। अरा एम्‍है पूरखर ही चाल गुट्ठी गे नगदे रिझ्र'आ लिक्‍कन।

इफेसुस 2:9

ईद नम्हा नंजका दौ नलख गुट्ठी ही चड्डे मल्‍ला ख़क्ख्रका। औंगे नॆ हूँ इदही पत्त नू फुलई अम्बोर मना।

1 तीमोथियुस 4:8

कया ही हेबाब'अना ती जुक्‍कि धार'ई, लिकिन महबा उर्मी कत्‍था नू धार'ई। ईद ख़ॆख़ेल ता अरा जनमजुग ता उज्‍जनन गच्‍छर'ई।