लू‍कस 17:7 - पुना गच्छरना NT (BSI)

⁷ उर्बस अउरिम बाचस, “निम्‍है ती नॆखय जॊंख़स र'अदस। आ जॊंख़स गोहला उइय्ना महले भेंडो ख़ापना ती ख़ल्ल ती एड़पा किर्रदस होले, आसिन नीम ब'ओर का ‘नीन लॆम कला मंडी ओना गे ओक्‍का?’

लू‍कस 17:7 ပူးပေါင်းရင်းမြစ်များ

मत्तायोस 12:11

ख़ने आस आरिन बाचस, “निम्‍हैन्‍ती नॆ एन्‍ने र'ई? नॆखअय ओन्‍टे लेका भेंडो र'ई अरा आद ख़न्न ऎख़ना उल्‍ला गड्‍डी नू खत्र'ओ क'ओ होले, आस आदिन धर'ओस ती मल ओथ्र'ओस।

लू‍कस 13:15

ख़ने उर्बस आसिन बाचस, “अना उतुरमाड़ू आलारो, निम्‍है ती ओर्मर ख़न्न ऎख़ना उल्‍ला नू अड्डोन महले गदहान गोयसाली ती बिछरदर ती अम्‍मु ओन्‍त'आ गे मल हो'अदर का?

लू‍कस 14:5

अरा आस आरिन बाचस, “निम्‍है ती नॆखअम गदहा महले अड्डो तूसा नू खत्तर'ओ होले, आ बारिम आस ख़न्न ऎख़ना उल्‍ला नू हूँ अदिन मल ओथ्र'ओस का? आद हूँ नलख दिम र'ई।”

लू‍कस 17:26

अरा एकन्ने नूहसी बेड़ा नू मंजा अन्नेम मनवा ख़द्दन एंगा बरना बेड़ा नू हूँ मनो।

लू‍कस 17:6

उर्बस बाचस, “निमा गे ओन्‍टा मनी बिहनी लेक्‍खा पत्त'अना रहचका होले हूँ, नीम ई तुंती मन्नन ब'ओर, ‘नीन चड़र'अय ती समुदर नू इदर'अय कलय’ होले आद निम्‍है पॆसकन मन'ओ दने।”

लू‍कस 17:8

आस आसिन एन्ने ब'ओस, ‘एंगा मंडी सराजमा नना, एंग्है ओन्ना-मॊख़ना गूटी कड़मन भिड़'अरकी सुसर'अत र'आ, अरा अदही ख़ॊख़ा नीन हूँ ओनके मॊख़के।’