लू‍कस 17:30 - पुना गच्छरना NT (BSI)

³⁰ अन्नेम मनवा ख़द्दन एंगा बरना उल्‍ला हूँ मनो।

लू‍कस 17:30 ပူးပေါင်းရင်းမြစ်များ

मत्तायोस 16:27

मनवा ख़द्दन ऎन एम्‍बासी महबा अरा आसी पैकर गने किर्रोन। अरा आ उल्‍ला ऎन ओर्मर गे तम्‍‍है तम्‍‍है नलख लेक्‍खा ख़ंजपा चि'ओन।

मत्तायोस 24:3

एन्ने बाचका ख़ॊख़ा येसुस चेलर गने जैतून परता केरस। ख़ने आसी चेलर भिनेम आसी हेद्दे बरचर ती बाचर, “एमन तेंगा, इबड़ा कत्‍था इकला मनो? निंग्‍है बरना ही अरा ख़ॆख़ेल मुं‍ज्रना ही एन्‍देर चिन्‍हा मनो?”

मत्तायोस 24:37

अरा एकन्ने नूहसी बेड़ा नू मंजा अन्नेम मनवा ख़द्दन एंगा बरना बेड़ा नू हूँ मनो।

मत्तायोस 24:39

अरा बया बड़ही बरचा ती आर ओर्मारिन होच्‍चा आ गूटी आलर गे एन्द्रा हूँ अरो मल लग्‍गिया। अन्नेम ऎन मनवा ख़द्दासी बरना मनो।

मत्तायोस 26:64

ख़ने येसुस बाचस, “नीनिम बाचकय चिच्‍चकय अन्ने दिम हवे। लिकिन ऎन निंगन इदिन हूँ ब'अदन का, अक्‍कु ती नीम मनवा ख़द्दन एंगन उर्मी नू सवंग उइय्‍यू धर्मेसी तीना चोक्‍ख उक्‍का ती राजी नन्नन ऎरोर। अरा नीम एंगन मेर्ख़ा नू चरियो तरा बदाली ती एत्तनन ऎरोर।”

मरकुस 13:26

फिन उर्मी आलर मनवा ख़द्दन एंगन बदाली नू ती बरनन ऎरोर। अरा आ बारी ऎन ख़ॆख़ेल ता आलारिन बॆलस लेक्‍खा आकुस गने राजी ननोन।

लू‍कस 17:24

एन्‍देरगेका, बिजली एकासे मेर्ख़ा ही ओन कोड़ा ती आ कोड़ा गूटी लौकारनुम बिलची, अदिन आलर ऎरनर, अन्नेम मनवा ख़द्दन ऎन हूँ एंग्‍है उल्‍ला नू ऎथ्र'ओन।

लू‍कस 17:29

लिकिन लॊथस तंग्‍है एड़पातर गने सोदोम ती उरखस अउलम मेर्ख़ा ती चिच्‍ची अरा धूप पोस्‍सा अरा आर ओर्मारिन नटाबाचा।

लू‍कस 21:22

एन्‍देरगेका इदिम दंडे चि'अना उल्‍ला मनो, एकत्रु धरम पुथी नू लिखचका उर्मी कत्‍था मंज ख़च्‍चो।

लू‍कस 21:27

फिन उर्मी आलर मनवा ख़द्दन एंगन बदाली नू बरनन ऎरोर। अरा एंगा ख़ॆख़ेल ता आलारिन राजी नना गे कोड़हे महबा अरा आकुस मनो।

1 कोरिन्‍थ 1:7

औंगे नम्‍है उर्बस येसु मसीसी किर्रना ही पाब ईरु आलर नीम एकअम बॊलता ही इनाम नू खंगती मल मन्‍दर।

1 कोरिन्‍थ 1:8

धर्मेस निमन मुंजा गूटी पत्त'अना नू बड़ियर उइय्योस। औंगे नीम नम्‍है उर्बस येसु मसीसी किर्रना उल्‍ला नू बिगर बदी ही र'ओर।

कोलोस्से 3:4

मसीस निम्है उज्‍जना हिकदस। एकाबारी मसीस सौंसे ख़ॆख़ेल गे तंगन दहदर ननोस, नीम हूँ आस गने दहदर मनतार'ओर ती आसी महबा नू मेस्र'ओर।

2 थेस्‍सलोनिकॆयर 1:7

अरा सस्‍ती नू र'अदर निमा गे आस ख़न्‍न ऎख़ना ही ख़ंजपा चि'ओस। अन्नेम आस एमा हूँ चि'ओस। उर्बा येसुस तंग्‍है सवंगिय मेर्ख़ा पैकर गने लघ्रना चिच्‍ची गने मेर्ख़ा ती दहदर मन्‍ना बेड़ा नू ईद मनो।

1 पतरस 1:13

औंगे नीम अपन अपन जियन नलख नना गे सपड़'आ। अरा खतिर नन्ना ती र'आ। अरा येसु मसीसी दहदर मन्ना ही बेड़ा नू निमा ख़क्ख्रना र'ई आ मया मइय्याँ निम्है उर्मी असरा आबोन उइय्या।

1 पतरस 1:7

निम्है पत्त'अना मानिम एन्ने पुरुब मना गे इबड़ा खिलपत गुट्ठी निमा गे बर'ई। नठारना सोना चिच्ची ती गलाबातार'ई। औंगे सोना ती कोड़हे मईन ही निम्है पत्त'अना खिलपत गुट्ठी ती बिढ़्रना दिम र'ई। निम्है पत्त'अना बिढ़्र'ई ख़ने, येसु मसीस गोट्टा सौंसार गे तंगन दहदर ननो बारी नू नीम ओहमा अरा महबा अरा मईन आबोन ख़क्खोर।

1 पतरस 4:13

लिकिन मसीसी सस्ती गुट्ठी नू ऎम हूँ मेस्रदम एन्ने सोच'अरकी रिझ्र'आ। ख़ने आसी महबा दहदर मन्ना ही बेड़ा नू नीम अउर कोड़हे रिरयार'ओर।

1 यॊहन 2:28

अक्कु अना चोन्हा ख़द्दारो, आस दहदर मन्ना बारी आसी किर्रना नू नाम आसी मुन्दहारे बिगर लज्जे मॊख़रकी डिढ गने र'आ गे आस नू बन्चका र'आ।

1 यॊहन 3:2

अना दुलारो, अक्कु नाम धर्मेसी ख़द्दत र'अदत। लिकिन अक्कु गूटी दहदर मल्ला मंजका का बरना बेड़ा नू नाम एका लेक्खा र'ओत। इवंदम अख़दम का इकला मसीस किर्रोस नाम हूँ आसी लेक्खा र'ओत, एन्देरगेका आस एकासे र'अस अन्नेम नाम आसिन ऎरोत।

दहदर मंजका कत्‍था 1:7

ऎरा! आस बदाली गुट्ठी गने बर'ऊ र'अदस। ओर्मर आसिन ऎरोर, नॆ आसिन जोबचका रहचर आर हूँ आसिन ऎरोर। ख़ॆख़ेल ता उर्मी जातियर आसी चड्डे चींख़ोर ओलख़ोर। हाँ, ईद मनो दिम। आमेन!