लू‍कस 17:20 - पुना गच्छरना NT (BSI)

²⁰ जोक्‍क फरिसीर येसुसिन मेंजर, “धर्मेसी राजी इकला बर'ओ?” ख़ने आस आरिन बाचस, “धर्मेसी राजी नीम निम्‍है ख़न्‍न ती ऎरा ओंगना लेक्‍खा मल बर'ई।

लू‍कस 17:20 ပူးပေါင်းရင်းမြစ်များ

लू‍कस 10:11

‘एम्‍है ख़ेड्डे नू लक्‍का निम्‍है पद्दा ता रीड़ोन हूँ ऎम निम्‍है बिड़दो नू गोवाह रूपे नू ख़ेत्तदम। लिकिन इदन हूँ अख़'आ का धर्मेस आलर ही उज्‍जना नू राजी नन्ना ही बेड़ा हेद्दे अंड़सकी र'ई।’

लू‍कस 14:1

ओन्‍टा ख़न्न ऎख़ना उल्‍ला नू येसुस फरिसीर ही मुद्धासी एड़पा नू मंडी ओना केरस, अरा आलर येसुसिन जोह'आलियर।

लू‍कस 16:16

मूसासी पॆसका अरा धर्मेसी कत्‍था तिंगुर ही कत्‍था गुट्ठी यॊहन नूड़रत'उसी बरना गूटी तेंगरा। आ बेड़ा ती धर्मेसी राजी ही दौ कत्‍था तेंगर'आ लगी, अरा ओर्मर कोड़हे चिहुट ती अइय्या कोरनर।

लू‍कस 19:11

आलर इबड़ा कत्‍थन मेना लगियर ख़ने, येसुस ओन्‍टा जोक्‍खा ख़ीरी तिंगियस। एन्‍देरगेका आस येरुसलॆम हेद्दे रहचस अरा आर सोच'आ लगियर का धर्मेसी राजी लॆम दहदर मन्ना र'ई।

यॊहनस 18:36

येसुस आनाकिर्ताचस, “एंग्‍है राजी ई ख़ॆख़ेल ता मल्‍ली। एंग्‍है राजी ई ख़ॆख़ेल ता रहचका होले, एंग्‍है जॊंख़र लड़'ओर दने, का ऎन यहूदीर ही ख़ेक्खा नू मल चीतार'ओन दने। लिकिन एंग्‍है राजी ई ख़ॆख़ेल ता मल्‍ली।”