लू‍कस 17:2 - पुना गच्छरना NT (BSI)

² एका आलस ई सन्नी ती एक‍अम ओर्तोस गने पाप ही नंगु मन्‍दस, आसी ख़ेसेर नू जतन हें'अरकी समुदर नू मुलखत'अना चि'अना धर्मेसी चि'अना दंडे ती जुक्‍की र'ई।

लू‍कस 17:2 ပူးပေါင်းရင်းမြစ်များ

मत्तायोस 17:27

अन्नु हूँ इदगेका नाम आरिन अम्‍बोत मूड़त'आ। औंगे नीन समुदर नू कला ती गरी बॆचा। अरा एका इंजो मुन्‍द बझर'ओ अदिन हो'आ। अदही बइय्यन चलख़'आ, निंगा ओन्‍टा ढिबा ख़क्‍ख्र'ओ। अदिनिम हो'आ ती एंग्‍हा अरा निंगा गे चि'अके उइय्के।”

मत्तायोस 18:10

चिहुंक र'आ का नीम इबड़ा सन्नी मधेर ती नॆकन हूँ अमके ख़ाँड़'आ। एन्‍देरगेका ऎन निमन मानिम ब'अदन का मेर्ख़ा नू आर ही पैकर एंग्‍है मेर्ख़ा ता बंगस गने सगरो र'‍अनर। [

मत्तायोस 18:14

एन्नेम दिम निम्‍है बबस एकास मेर्ख़ा नू र'अदस आसी मने एन्ने मलकी का इबड़ा सन्नी मधे ती ओन्‍टा हूँ नठार'ओ।

मत्तायोस 26:24

धर्मेसी कत्‍था तिंगुर नेम्हा पुथी नू एंग्‍है पत्त नू एन्‍देर लिखचकानर अन्नेम मनवा ख़द्दन ऎन खे'ओन दने। लिकिन नॆ एंगन धरत'आ गे संगे चि'अदस आसी मुंज्रना नगदे भयभयान मनो। आस मल कुन्‍द्रका होले, आस गे दौ रहचा।”

मरकुस 9:42

लिकिन येसुस आरिन एन्ने हूँ बाचस “एका ओर्तोस एंगन पत्त'अदस, आस ई सन्नी ख़द्दस लेक्‍खा मान मलका आलस होले हूँ, आसिन एंग्‍है ती नीन कगर'अदय होले, निंग्‍है ख़ेसेर नू ओन्‍टा कोहाँ पखनन हें'अरकी निंगन समुदर नू हेबड़ना, धर्मेसी चि'अना दंडे ती जुक्‍की र'ई।

यॊहनस 21:15

आर मोक्‍का ख़ॊख़ा येसुस सिमॊन पतरसिन मेंजस, “अना सिमॊन, यॊहनसी ख़द्दायो! नीन ईरहिन्‍ती एंगन कोड़हे चोन्‍हा नन्‍दय का?” आस बाचस, “हाँ उर्बायो! ऎन निंगन चोन्‍हा नन्‍दन नीन अख़दय।” आस पतरसिन बाचस, “एंग्‍है भेंडो ख़द्द गुट्ठिन ओन्‍त'आ।”

1 कोरिन्‍थ 9:15

अन्नु हूँ ऎन इबड़ा अदिया आबोन कहियों मल ब‍उराचकन। अउर हूँ एन्ने लेक्‍खा कत्‍थन नीम एंगा गे ननोर एन्ने असरा ती इदन मल लिखदन। सिथियम दौ कत्‍था तेंगना ही एंगा ई फुल‍ई नन्नन नीकईम अम्‍बत'अना ती एंगा खे'अना दौ र'ई।

1 कोरिन्‍थ 9:22

पयहर गे ऎन पयहा मंजकन का पयहारिन मसीस गुसन ओन्‍द्र'ओन। एकअम अन्ने ती जोक्‍क आलारिन नाड़रा गे ऎन ओर्मर गे ओर्मर लेक्‍खा मंजकन।