लू‍कस 16:1 - पुना गच्छरना NT (BSI)

¹ फिन येसुस तंग्‍है चेलारिन ई जोक्‍खा ख़ीरिन हूँ बाचस, “ओन्‍टा उरुब आलस रहचस, आसी ओर्त ईरु-ख़ूजू रहचस। अरा आलर उरुबस गुसन कालरकी आ ईरु-खूजू म‍इय्याँ बदी ठेकाबाचर का आस निंग्‍है खुर्जिन बुड़ाब'आ चि'आलदस।

लू‍कस 16:1 ပူးပေါင်းရင်းမြစ်များ

मत्तायोस 20:8

बीड़ी पुत्तिया ख़ने, उर्बस तंग्‍है भंडारीसिन बाचस ‘बनीहारिन मॆख़ा ती ख़ॊख़ा हेलरकर ती मुन्‍द हेलरका गूटी ओर्मर गे बनी चि'आ उइय्या।’

लू‍कस 12:42

ख़ने उर्बस बाचस, “नॆ लूरगर अरा असरा जॊगे जॊंख़स र'‍‍अदस। उर्बस आसिन नन्ना जॊंख़र गे ठौका बेड़ा नू तम्‍है ओन्नन मॊख़नन चि'आ गे असरा नन्‍दस, फिन आस डहरे ऎका गे कादस।

लू‍कस 15:13

जोक्‍क उल्‍ला हूँ मल मंजा, सन्नी ख़द्दस तंग्‍है उर्मिन जॊगड़स ती गेच्‍छा राजी केरस। अरा असन मलदौ उज्‍जना ती तंग्‍है खुर्जिन नठाबाचस।

लू‍कस 15:30

लिकिन ई निंग्‍दस भड़वा नलख ती निंग्‍है उर्मी खुर्जिन मुंजियस ती बरचस। नीन आस गे डढरका बछरन इड़बका र'अदय।’

लू‍कस 16:19

ओर्त उरुब आलस रहचस। आस लेपलेप अरा बग्‍गे दामी किचरी गुट्ठिन अत्तालियस ती उर्मी उल्‍ला सुख-सौंरत गने उज्‍जालियस।

लू‍कस 16:2

ख़ने आस आसिन मीख़ियस ती बाचस, ‘नीन एंग्‍है खुर्जिन नठाब'आलदस ब'अरकी निंग्‍है पत्त नू मेंजकादन, निंग्‍है नलख ही ले‍खा चि'आ, नीन ख़ॊख़ा एंग्‍है ईरु-ख़ूजू मल र'ओय।’

लू‍कस 19:20

तहाँ तिसरस बरचस ती बाचस, ‘अना उर्बायो, ऎरा, इदिम निंग्‍है मोहोर, इदिन ऎन ओन्‍टा किचरी नू गठिय'अरकी नुड्डका उइय्का रहचकन।

लू‍कस 8:3

अरा हॆरॊदॆसी भंडारी ख़ूसासी तंग्‍आली यॊअन्ना अरा सूसन्ना अरा बग्गे नन्‍ना मुक्‍कर हूँ रहचर। ईर तम्‍है खुर्जी ती येसुस अरा आसी चेलर गे संगरा नना लगियर।

तीतुस 1:7

कलीसिया ही ईरु-ख़ूजू मुद्धस गा ओक्‍कना इजना नू बिगर बदी ही अरा हुड्ड मला, अरा लॆम गोसा मनू मला, अरा उंखू मला अरा पस‍'ऊ कूड़ू मला अरा मलदौ ती अर्ज‍'ऊ मल र'अना र'ई।

याकॊब 4:3

अरा नीम धर्मेसिन ने'अदर ख़ने हूँ मल ख़क्‍खदर, ईगेका नीम मलदौ मने गुट्ठी ती ने'अदर का नीम निम्है सुख-सौंरत आबोन पूरा नना गेम ने'अदर।

1 पतरस 4:10

नीम ओर्मर धर्मेस ती ख़क्खका इनामन बउरारकी ओर्त ओर्त गे सुसर नना। एन्नेम नन्ना नन्ना रकम ती बरना धर्मेसी मया आबोन मानी गने उय्यू-उस्र'ऊ मना।