लू‍कस 15:4 - पुना गच्छरना NT (BSI)

⁴ “निम्‍है ती एक‍अम आलासी ओन सौ भेन्‍ड़ो र'ई, अब‍ड़ा ती ओन्‍टा एबस्र'ओ होले, एन्‍देर आस निनाबे गोटंगन टोडंग नू अम्‍बोस ती आ एबस्रकन अरगी ख़क्‍खना गूटी मल बेद्दोस?

लू‍कस 15:4 ပူးပေါင်းရင်းမြစ်များ

मत्तायोस 12:11

ख़ने आस आरिन बाचस, “निम्‍हैन्‍ती नॆ एन्‍ने र'ई? नॆखअय ओन्‍टे लेका भेंडो र'ई अरा आद ख़न्न ऎख़ना उल्‍ला गड्‍डी नू खत्र'ओ क'ओ होले, आस आदिन धर'ओस ती मल ओथ्र'ओस।

लू‍कस 13:15

ख़ने उर्बस आसिन बाचस, “अना उतुरमाड़ू आलारो, निम्‍है ती ओर्मर ख़न्न ऎख़ना उल्‍ला नू अड्डोन महले गदहान गोयसाली ती बिछरदर ती अम्‍मु ओन्‍त'आ गे मल हो'अदर का?

लू‍कस 15:3

ख़ने आस आरिन ई जोक्‍खा ख़ीरिन तिंगियस।

लू‍कस 19:10

मनवा ख़द्दन ऎन एबस्रकारिन बेद्दा अरा नाड़ा बरचकादन।”

रोमी 2:1

औंगे अना नन्नर म‍इय्याँ नेंवई ननू आलारो, नीम नीक‍ईम हूँ र'ओर, नीम बछर'आ पोलदर। एका कत्‍था ही नीम आरिन बदी नन्‍दर, अत्रुम नीम हूँ बदी खत्तरदर। एन्‍देरगेका नीम एका बदी नन्नर म‍इय्याँ नन्‍दर आ मलदौ नलखन नीमिम नन्‍दर।

1 पतरस 2:25

मानिम नू मुन्द नीम बेहड़ारका भेंडो लेक्‍खा रहचकर, लिकिन अक्‍कु निम्‍‍है जिया गुट्ठी ही ख़ापुस अरा ईरु-ख़ूजुस मसीस गुसन किर्रका बरचका र'अदर।