लू‍कस 15:18 - पुना गच्छरना NT (BSI)

¹⁸ ऎन अक्‍कु इसते अम्‍बोन ती एम्‍बस गुसन किर्रोन अरा आसिन ब'ओन, ‘अना बबा, ऎन धर्मेसी अरा निंग्‍है बिड़दो नू पाप नंजका र'अदन।

लू‍कस 15:18 ပူးပေါင်းရင်းမြစ်များ

मत्तायोस 3:6

असन आर आसी कत्‍थन मेनरकी तम्‍है पाप गुट्ठिन पत्त'आलियर। ख़ने यॊहनस आरिन यरदन ख़ाड़ नू नॊड़रत'आलियस।

मत्तायोस 6:14

नीम नन्नर ही अक्‍का-बलकन छमा ननोर होले मेर्ख़ा ता बगंस हूँ निमन छमा ननोस।

मत्तायोस 6:9

औंगे नीम एन्ने गोहरारके: ‘अना एम्‍है मेर्ख़ा नू र'ऊ बबा, निंग्‍है नामे नेम्‍हा मनन नेकअन।

मत्तायोस 7:11

अन्ने नीम मलदौ मनरकी निंग्‍है ख़द्द-ख़र्रर गे दौ जिनिसन चि'आ अख़दर होले, मेर्ख़ा बंगस तंग्‍है गुसते ने'उर गे बॆस आलॊन नेम्‍हा बॊलतन चि'ओस दिम।

लू‍कस 11:2

येसुस आरिन बाचस, “एकाबारी नीम गोहरार'ओर आ बारी एन्ने ब'आ, ‘अना बबा, निंग्‍है नामे नेम्‍हा मनन नेक‍अन, निंग्‍है राजी बर‍'अन नेक‍अन।

लू‍कस 15:17

अक्‍कु आस तंग्‍है फरीफरी सुरता नू बरचस ती बाचस, ‘एम्‍बस गुसन बग्‍गे जॊंख़र र'अनर। आर गे उड़ुच लिंग्‍ह'आ ओन्ना-मॊख़ना र'ई। लिकिन ऎन इसन कीड़ा ती खे'आलदन।

लू‍कस 15:19

अरा ऎन अक्‍कु ती निंग्‍है ख़द्द बारना जॊगे मलकन, निंग्‍है ओर्त जॊंख़र लेक्‍खा एंगन उइय्या।’’

लू‍कस 15:21

तंग्‍दस आसिन बाचस, ‘अना बबा, ऎन धर्मेसी अरा निंग्‍है बिड़दो नू पाप नंजका र'अदन। ऎन अक्‍कु ती निंग्‍है ख़द्द बारना जॊगे मलकन।’

लू‍कस 18:13

लिकिन ऊज'उस गेच्‍छम इज्‍जस ती मेर्ख़ा तरा मॆन ऎरा हूँ मल बिद्दियस, अन्‍ति तंग्‍है एवंख़न ठोकोर ठोकोर बाचस, ‘अना धर्मे! ऎन पपहा आलन म‍इय्याँ सोग्‍गे ऎरा।’