लू‍कस 13:34 - पुना गच्छरना NT (BSI)

³⁴ अना येरुसलॆम ता आलारो, नीम धर्मेसी कत्‍था तिंगुरिन पिटकर अरा नॆकन धर्मेस निम्है गुसन त‍इय्यस आरिन पखना ल'अदर ती पिटदर। ख़ॆर तंग्‍है ख़द्दन डेना किइय्या ख़िवड़'ई, अन्नेम धर्मेस हूँ ढ़ॆर हॆल निम्है ख़द्दारिन ख़ेवड़'आ बिद्दियस, लिकिन नीम एन्ने नना मल चिच्‍चकर।

लू‍कस 13:34 ပူးပေါင်းရင်းမြစ်များ

मत्तायोस 22:3

अरा इकला बेंजा मंडी सराजमा मंजका ख़ने, आस तंग्‍है जॊंख़ारिन एड्डका आलारिन बेंजा नू मॆख़'आ गे तइय्यस। आर बर'आ मल बिद्दियर।

मत्तायोस 22:6

लिकिन नन्‍नर एंगरका रहचर आर आसी जॊंख़ारिन धरचर ती कांड़चर अरा पिटियर।

लू‍कस 15:28

कोहाँ ख़द्दस कैरारस केरस, अरा भितरी कोर'आ मल बिद्दियस। ख़ने तम्‍बस उरखस ती आसिन गोहरारस।

लू‍कस 19:44

अरा आर निंगन अरा निंग्‍है उर्मी आलारिन नठाब'ओर, अरा निंग्‍है नू ओन्‍टा पखना म‍इय्याँ ओन्‍टा पखना र'आ गे मल चि'ओर, एन्‍देरगेका नीन निंग्‍है गुसन धर्मेस बरना ही बेड़न मल चिन्‍हचकी।”

लू‍कस 23:28

लिकिन येसुस आर ही तरा बिड़दरस ती बाचस, “अना येरुसलॆम ता मुक्‍कारो, एंग्‍है चड्डे अमा चींख़ा, निमा गे अरा निम्‍है ख़द्दर गे चींख़ा।

त‍इरकर 7:52

धर्मेसी कत्‍था तिंगुरिन नॆकन निम्‍है पूरखर मल्‍ला डाहचका? आर आ उजगो आलासी बरनन नॆ नॆ मुन्‍द तिम तिंगियर आरिन पिटियर। अक्‍कु नीम आ उजगो आलस मसीसिन धरचकर अरा पिटकर।

त‍इरकर 7:59

आलर स्‍तेफनोस म‍इय्याँ पखना ती लोड़ग'आ लगियर ख़ने, आस एन्ने गोहरारस, “उर्बायो येसु, एंग्‍है बॊलतन इंझ्र'आ।”

त‍इरकर 8:1

स‍उलस स्‍तेफनोसिन पिटना नू हुँकारी नंजकाचस। अउलम येरुसलॆम ता कलीसिया गे कोड़हे खिलपत बरचा। त‍इरकारिन अम्‍बर जम्मर गोट्टा यूदेया राजी अरा समारिया राजी नू बींड़रर केरर।

दहदर मंजका कत्‍था 11:8

अरा आर ही मॆद कोहाँ नगरे येरुसलॆम ही दोप्‍फा नू हेबड़्रकी र'ओ। जुक्की ती बग्गे ब'अना ती ई नगरे सोदोम अरा मिसर बार'ई। ई नगरे नू दिम ईर ही उर्बासिन क्रुस नू ठोकचकाचर।