लू‍कस 13:31 - पुना गच्छरना NT (BSI)

³¹ आ बारिम जोक्‍क फरिसीर बरचर ती येसुसिन बाचर, “इय्या ती उरखा ती किर्रिमबि'आ, एन्‍देरगेका हॆरॊदॆस अन्‍टिपास निंगन पिटा बेद्ददस।”

लू‍कस 13:31 ပူးပေါင်းရင်းမြစ်များ

मत्तायोस 14:1

आ बारी गलिलेया जिला ही राजी ख़ापुस हॆरॊदॆस अंटिपस येसुसी पत्त नू हलन मेंजस।

मत्तायोस 14:3

एन्‍देरगेका जोक्‍क उल्‍ला ही मुन्‍द हॆरॊदॆस अंटिपस बॆलस हॆरॊदिया आबोन उइय्‍काचस, एकाद हॆरॊदॆसी भइय्योस फिलिप्‍पोसी मुक्‍का रहचा। हॆरॊदॆस फिलिप्‍पोसी उज्‍जनुम अदिन उइय्यस। यॊहनस हॆरॊदॆसिन घड़ी घड़ी ब'आलियस, “निंगा निंग्ड़ीसी मुक्‍कन उइय्‍ना धर्मेसी नॆग ती बिड़दो र'ई।” ख़ने हॆरॊदिया ही चड्डे हॆरॊदॆस यॊहनसिन गुड़'आ गे सैनारिन त‍इय्‍का रहचस, अरा आसिन धर'अरकी जेहेल नू सजताचकाचस।

मत्तायोस 14:6

हॆरॊदॆसी कुन्‍दुर उल्‍ला अंड़सिया ख़ने, हॆरॊदिया ही तंग्‍दा हॆरॊदॆस अरा आसी पाहियर ही मुन्‍दहारे नलिया ती हॆरॊदॆसिन रिझ्रताचा।

लू‍कस 23:7

अरा आस एन्ने अक्‍खस का येसुस गलिलेया ता हिकदस अरा आस हॆरॊदॆसी आकुस ता हिकदस। ख़ने आस आसिन हॆरॊदॆस गुसन त‍इय्यस चिच्‍चस। अबड़ा उल्‍ला नू हॆरॊदॆस येरुसलॆम नुम र'आलियस।

लू‍कस 3:1

कैसर तिबेरयुस रोम राजिन राजी नन्ना ही पन्‍द्रा बछर नू पोन्‍तियुस पिलातुस यूदेया जिला ही राजीख़ापू रहचस। आ बेड़ा हॆरॊदॆस अंटिपस गलिलेया जिला ही बॆलस रहचस। अरा आसी तंग्ड़िस फिलिप्‍पोस इतुरैया अरा त्राख़ॊनितिस जिला ही बॆलस रहचस। अरा लुसानियास अबिलॆनॆ जिला ही बॆलस रहचस।

लू‍कस 9:7

राजी ख़ापुस हॆरॊदॆस अंटिपस इबड़ा मंजका ओर्मा हलन मेंजस ती दोभिदिया मंजस केरस। एन्‍देरगेका जोक्‍क आलर बाचर का यॊहन नूड़रत'उस केचका ती उज्‍जा चॊचकादस।