लू‍कस 13:16 - पुना गच्छरना NT (BSI)

¹⁶ ई आलिन ऎन कोड़े नंजकन आद अब्राहमसी तंग्‍दा हवे आद गा मेक्‍खो मल्‍ली। एकदन सैतान अठारा बछर ती धरचकी रहचा। इदिन ख़न्न ऎख़ना उल्‍ला नू हूँ कोड़े नन्ना दौ दिम र'ई।”

लू‍कस 13:16 ပူးပေါင်းရင်းမြစ်များ

मत्तायोस 4:10

ख़ने येसुस अदिन बाचस, “अनय सैतान कगरार'अय कलय! एन्‍देरगेका नेम्हा पुथी नू लिख्रकी र'ई, ‘नीन निंग्‍है धर्मे उर्बासिन ऒड़ लक्‍के अरा आसी लेका महबा ननके।’”

मरकुस 2:27

ख़ने येसुस अबड़ा फरिसीरिन बाचस, “ख़न्न ऎख़ना उल्‍ला आलर ही चाड़न पुराब'आ गे धर्मेस कमचकाचस, आस आलारिन ख़न्न ऎख़ना उल्‍ला ही चाड़न पुराब'आ गे ‍मल्‍ला कमचका।

लू‍कस 16:24

ख़ने आस चिच्चियारस ती बाचस, ‘अना बंग अब्राहम, एंगन सोग्‍गे ऎरा, अरा लाजरसिन त‍इय्या चि'आ का आस तंग्‍है अंगलिन अम्म नू बोथारकी एंग्‍है ततख़न कीरत'ओस, एन्‍देरगेका ऎन ई चिच्‍ची नू कलपार'आ लगदन।’

लू‍कस 19:9

ख़ने येसुस आसिन बाचस, “इन्ना ई एड़पा गे नाड़ना बरचा, एन्‍देरगेका ईस हूँ गा अब्राहमसी ख़द्दस र'अदस।

लू‍कस 3:8

जियन किर्त'अना ही जॊगे नलख नना। नीम तम्‍है तम्‍है जिया नू एन्ने अमा सोच'आ हेलरा का ऎम अब्राहमसी बनस ता हिकदम। ऎन निमन ब'अदन का धर्मेस इबड़ा पखना गुट्ठी ती अब्राहमस गे ख़द्द कम'आ ओंग्दस!

यॊहनस 8:44

नीम निम्‍है बंगस सैतान ही र'अदर। अरा निम्‍है बंगासी मने गुट्ठिन पूरा नना बेद्ददर। आस गा ऒरे तिम पिटू रहचस। आस नू मानी मलकी, औंगे मानी आस नू इज्‍जकी र'आ पोल्‍ला। आस ठक'ओ बारी आसी मानी सुबहा आबोन ऎद्ददस, एन्‍देरगेका आस ठकवा हवदस, अरा ठकना गुट्ठी ही बंगस हवदस।

त‍इरकर 13:26

अना भ‍ईरो, अब्राहमसी जंईपुंई आलारो, अरा धर्मेसिन इल्‍चू नन-यहूदी आलारो, मेना। ई बछरना ही पत्त ता कत्‍था नम्‍है गुसन त‍इरकी र'ई।

2 तीमोथियुस 2:26

होले आर सैतान ही फंदा ती बछर'अरकी तम्‍है मानी लूर नू किर्रोर, एकदा तंग्‍है मने बेसे नना गे आरिन धरचकी उइय्‍की रहचा।