लू‍कस 13:13 - पुना गच्छरना NT (BSI)

¹³ अरा आस अदही म‍इय्याँ तंग्‍है ख़ेक्खा उइय्यस, ख़ने आद लेथेम उजगारा केरा, अरा धर्मेसी ओहमा नना हेलरा।

लू‍कस 13:13 ပူးပေါင်းရင်းမြစ်များ

मत्तायोस 9:8

इदिन ईरयर ती आलर इल्‍चियर केरर अरा धर्मेसी ओहमा नना हेलरर एकास आलर गे एन्ने आकुस चिच्कादस।

मरकुस 16:18

आर नेर्रेन धर'ओर अरा महुरन ख़प्‍पोर होले हूँ आर एन्‍देर हूँ मल मनोर। अरा आर बिमरहर म‍इय्‍याँ ख़ेक्खा उइय्‍योर होले आर कोड़े मनोर कालोर।”

मरकुस 5:23

अरा गोहर'अरकी आसिन बाचस, “सन्नी एंग्‍दा खे'आ बेद्दाली, नीन बर'अरकी अदही म‍इय्‍याँ ख़ेक्खा उइय्‍या अरा कोड़े नना, होले आद मल खे'ओ।”

मरकुस 6:5

आस असन बग्‍गे अकबक नलख मल नंजस। एन्‍देरगेका नासरेत पद्दा ता आलर मल पत्ताचर का आस मसीस हिकदस। ख़ने आस जोक्को रोगियर म‍इय्‍याँ लेका तंग्‍है ख़ेक्खा उइय्‍यरकी आरिन कोड़े नंजस।

मरकुस 8:25

ख़ने येसुस अउरिम ओंग्‍होन आसी ख़न्‍न नू ख़ेक्खा उइय्‍यस, ख़ने आस कोड़े मंज ख़च्‍चियस, अरा आस जम्मानिम फरीफरी ऎरा उंगियस।

लू‍कस 13:12

येसुस अदिन ईरयस ती मीख़ियस अरा अदिन बाचस, “अनय आली, नीन निंग्‍है रोगे ती उजगार'अय।”

लू‍कस 18:43

अरा आस आ बारिम ऎरा उंगियस, अरा धर्मेसी ओहमा नन्नुम येसुसी ख़ॊख़ा चॊंख़्रस। अरा ओर्मर इदन ईरियर ती धर्मेसी ओहमा नंजर।

लू‍कस 4:40

बीड़ी पुतबारी अबड़ा आलर नॆ नॆ कैनो मदहे बेमार ती लिंडरका रहचर आर जम्मारिन आसी गुसन ओन्‍द्रर। अरा आस ओरोत ओरोत म‍इय्याँ ख़ेक्खा उइय्यस ती कोड़े नंजस।

त‍इरकर 9:17

तहाँ हनानियास उरखस ती यूदसी एड़पा कोरचस। अरा आस स‍उलसी म‍इय्याँ ख़ेक्खन उइय्यस ती बाचस, “अना भई स‍उल, उर्बा येसुस नॆ निंगन इसन बर'ओ बारी डहरे नू ऎथ्रकाचस, आस एंगन त‍इय्कादस का नीन अउर ऎरा ओंगोय, अरा नीन नेम्‍हा बॊलतस ती नीन्‍द'ओय क'ओय।”