लू‍कस 12:9 - पुना गच्छरना NT (BSI)

⁹ लिकिन नॆ एंगन आलर ही मुन्‍दहारे बलदन ब'अदस, आसिन ऎन हूँ धर्मेसी पैकर ही मुन्‍दहारे आस एंग्‍है आलस मलदस ब'ओन।

लू‍कस 12:9 ပူးပေါင်းရင်းမြစ်များ

मत्तायोस 10:33

लिकिन नॆ एंगन आलर ही मुन्‍दहारे बलदन ब'अदस, आसिन ऎन हूँ मेर्ख़ा नू र'ऊ एंग्‍है बंगासी मुन्‍दहारे आस एंग्‍है आलस मलदस ब'ओन।

मत्तायोस 25:12

लिकिन आस आनाकिर्ताचस, ‘ऎन निमन मानिम ब'अदन, ऎन निमन बलदन।’

मत्तायोस 25:31

इकला मनवा ख़द्दन ऎन एंग्‍है महबा नू उर्मी मेर्ख़ा पैकर गने बर'ओन, अरा ऎन एंग्‍है महबा ही बॆल-गदिया नू ओ‍क्‍कोन।

मत्तायोस 25:41

आ बारी ऎन बॆलन डेब्‍बा पक्‍खे ता आलारिन ब'ओन, ‘अना सरपारका आलारो, एंग्‍है मुन्‍द ती आ मल तेभ्रना चिच्‍ची नू किर्रिम बि'आ, एकदा नाद अरा अदही पैकर गे सपड़ाचका र'ई।

मत्तायोस 7:23

होले ऎन आरिन फरीफरी तेंगोन ती आनोन, ‘ऎन निमन इकला हूँ बलकन, मलदौ ननू आलारो, एंग्‍है गुस्‍ते गुच्‍छर'आ।’

मरकुस 8:38

पपहर ही ई परिया नू नीक‍ईम एंग्‍है कत्‍थन इंझ्र'आ गे अरा ‘ऎन येसुसी चेला हिकदन’ एन्ने आलर मुन्‍दहारे तेंगा गे लजर'ओस होले, आसिन ऎन हूँ नेम्हा मेर्ख़ा पैकर गने एम्‍बासी महबा नू किर्रना बारी ‘ईस एंग्‍है चेलस हिकदस’ एन्ने ब'आ गे लजर'ओन।”

लू‍कस 15:10

ऎन निमन ब'अदन, एन्नेम ओन्‍टा जियन किर्ताचका आलासी पत्त नू धर्मेसी पैकर ही मुन्‍दहारे रिझी मनी।”

लू‍कस 22:57

ख़ने पतरस नटचस ती बाचस, “अनय कुकेय, ऎन आसिन बलदन।”

लू‍कस 9:26

नीक‍ईम एंग्‍है कत्‍थन इंझ्र'आ गे अरा ‘ऎन येसुसी चेला हिकदन’ एन्ने आलर मुन्‍दहारे तेंगा गे लजर'ओस होले, आसिन ऎन हूँ ‘ईस एंग्‍है चेलस हिकदस’ एन्ने ब'आ गे लजर'ओन, इकला ऎन नेम्हा मेर्ख़ा पैकर गने एंग्‍है महबा अरा एम्‍बासी महबा नू किर्रोन।

2 तीमोथियुस 2:12

नाम आसी चड्डे दुक्‍खे सारदत होले, आसी गने नाम हूँ बॆलर बेसे राजी ननोत। नाम आसी ख़ॊख़ा चॊंख़्र'उर मलदम ब'ओत होले, आस हों नमन तंग्‍है आलर मलदर ब'ओस।

1 यॊहन 2:23

नॆ ख़द्दासिन मल हुकमारदस आस गुसन बंगस हूँ मल र'अदस, अरा नॆ ख़द्दासिन मनदस आसी गुसन बंगस हूँ र'अदस।

1 यॊहन 2:28

अक्कु अना चोन्हा ख़द्दारो, आस दहदर मन्ना बारी आसी किर्रना नू नाम आसी मुन्दहारे बिगर लज्जे मॊख़रकी डिढ गने र'आ गे आस नू बन्चका र'आ।

दहदर मंजका कत्‍था 3:8

ऎन निंग्‍है नलख गुट्ठिन अख़दन। निंगा जुक्‍किम सवंग र'ई, अन्नु हूँ नीन एंग्‍है कत्थन पॆस्रकय अरा एंग्‍है नामेन मल दुस्‍सकय। औंगे ऎरा, ऎन ओन्टा तिसग्का बलिन निंग्है मुन्दहारे उइय्कादन अदिन नॆ हूँ मुच्‍चा पोलनर।