लू‍कस 12:5 - पुना गच्छरना NT (BSI)

⁵ ऎन निमन ब'अदन का निमा नॆकन एल्‍चना र'ई। नॆका पिटका ख़ॊख़ा नू नरक नू सजना ही सवंग र'ई आसिन एल्‍चा। हाँ, ऎन निमन ब'अदन आसीनिम एल्‍चा।

लू‍कस 12:5 ပူးပေါင်းရင်းမြစ်များ

मत्तायोस 10:28

अरा कयन पिटनर अरा जियन गा पिटा पोल्‍नर आर ती अमा एल्‍चा, लिकिन एकास कयन दरा जियन नरक नू पिटा ओंग्‍दस आसिन एल्‍चा।

मत्तायोस 25:41

आ बारी ऎन बॆलन डेब्‍बा पक्‍खे ता आलारिन ब'ओन, ‘अना सरपारका आलारो, एंग्‍है मुन्‍द ती आ मल तेभ्रना चिच्‍ची नू किर्रिम बि'आ, एकदा नाद अरा अदही पैकर गे सपड़ाचका र'ई।

मत्तायोस 25:46

अरा ईर मुंजामलका गूटी दंडे भोग'आ गे क'ओर, लिकिन उजगो आलर मुंजामलका उज्‍जना नू कोर'ओर।”

मत्तायोस 5:22

लिकिन ऎन निमन ब'अदन का, एका ओर्तस तंग्‍है भईस मलता बहिन आबोन खींस मन्‍दस होले आस दं‍डे ख़क्‍खोस। अरा एका ओर्तस तंग्‍है भईस मलता बहिन आबोन मलदौ ब'अदस होले आस महासभा नू दं‍डे जॊगे मनोस। अरा एका ओर्तस एक‍अम ओर्तासिन ‘अना बोया’ ब‍'अदस होले आस नरक ही चिच्‍ची ही जॊगे मनोस।

मरकुस 13:23

औंगे नीम चिहुंक र'आ। ऎन मन्ना उर्मी कत्‍थन निमन मुन्‍द तिम तेंगालदन।

1 थेस्‍सलोनिकॆयर 4:6

इबड़ा कत्‍था गुट्ठी ती नॆ हूँ तंग्‍है भईरिन अरा ताक अम्‍बोर ऎरा अरा अम्‍बोर ठक'आ। एन्‍देरगेका उर्बस इबड़ा उर्मी कत्‍थन ननुर गे दंडे चि'ऊ र'अदस। ई पत्त नू ऎम मुन्‍द तिम आनका अरा तिगाबाचका चिच्का रहचकम।

इब्रानी 10:31

उज्‍जना धर्मेसी ख़ेक्खा नू खत्रना कोड़हे भयभयान र'ई।

2 पतरस 2:4

एकाबारी मेर्ख़ा पैकर पाप नंजर ख़ने, धर्मेस आरिन हूँ मल अम्बियस, लिकिन नरक नू हेबड़ियस ती ख़ोड़ख़ा ऊख़ा गड़डी नू रायबड़ी उल्ला गे सिकड़ी ती हॆंचका उइय्कादस।

दहदर मंजका कत्‍था 14:7

अरा आस जॊरसरिया सड़ा ती एन्ने बाचस, “धर्मेसिन एल्‍चा, अरा आसिन महबा नना, एन्‍देरगेका आसी नेंवई नन्ना ही बेड़ा अंड़सकी र'ई। अरा नॆ मेर्ख़न अरा ख़ॆख़लन अरा समुदरन अरा अम्मु ही पझरा गुट्ठिन कमचस, आसिन महबा नना।”

दहदर मंजका कत्‍था 15:4

अना उर्बयो, निंग्‍है ती नॆ मल एल्‍चो? अरा नॆ निंग्‍है नामे ही महबा मल ननो? एन्‍देरगेका नीन ओर्त लेका नेम्‍हा र'अदय। उर्मी राजी बर'ओ ती निंग्है मुन्दहारे ऒड़ लग्‍गो, एन्‍देरगेका निंग्‍है उजगो ही नलख गुट्ठी दहदर मंजकी किरकी र'ई।”

दहदर मंजका कत्‍था 20:14

फेन खे'अना अरा नरक गड्डी चिच्‍ची ही समुदर नू हेबड़तारा। ई चिच्‍ची ही समुदर दिम दुसर खे'अना हवे।