लू‍कस 11:41 - पुना गच्छरना NT (BSI)

⁴¹ औंगे नीम कीड़र गे चि'अदर होले, निमा गे उर्मिद सफा र'ओ।

लू‍कस 11:41 ပူးပေါင်းရင်းမြစ်များ

मत्तायोस 26:11

कीड़र गा निम्‍है गने सगरघड़ी र'अनर, लिकिन ऎन निम्‍है गने सगरो मल र'ओन।

मत्तायोस 5:42

निंग्‍है गुसन ने'उस गे चि'आ। अरा नॆ निंग्‍है गुसले नहड़ा ने'आ बेद्ददस, आस गे बिड़दो मुही अमा नना।’

मरकुस 7:19

एन्‍देरगेका आद जिया नू मल कुर'ई, लिकिन आद कूल नू कुर'ई अरा पच'अरकी बहरी उरखी काली।” (एन्ने ब'अरकी उर्मी ओन्ना-मॊख़ना आलॊन सफा बाचस।)

लू‍कस 12:33

औंगे निम्‍है खुर्जिन बीसा चि'आ अरा कीड़र गे चि'आ। अरा मल पच्‍चना ढिबा झोला अरा मल खंगर'ओ खुर्जी आबोन मेर्ख़ा नू बेन्‍द'आ। असन ख़लबर मल ख़ड़नर अरा सुरही मल मूख़ी।

लू‍कस 16:9

अरा ऎन निमन ब'अदन, ख़ॆख़ेल ही खुर्जी ती निमा संगेरिन कम'आ, एन्‍देरगेका एकाबारी खुर्जी निम्‍है ती अम्‍बर'ओ, होले ईर निमन जनमजुग ता एड़पा गुट्ठी नू परघ'ओर।

लू‍कस 18:22

इदन मेंजस ती येसुस आसिन बाचस, “अन्नु हूँ नीन अक्‍कुन गूटी ओन्‍टा कत्‍थन मल नंजकादय, नीन निंग्‍है उर्मी खुर्जिन बीसरकी कीड़र गे ख़ट्टा चि'आ। फिन बरा अरा एंग्‍है गने चॊंख़्र'आ। होले निंगा मेर्ख़ा नू इनाम ख़क्ख्र'ओ।”

लू‍कस 19:8

जक्‍कईस उर्बासी मुन्‍द इज्‍जस ती बाचस, “अना उर्बायो! ऎन एंग्‍है ओन भाग खुर्जिन किड़र गे चि'ओन, अरा नेखैन नेंव‍ई ती बिड़दो होच्‍चकादन होले, आर गे चार गुना किर्रत'ओन चि'ओन।”

त‍इरकर 10:15

लिकिन अउरिम दोसर खेप आस गे आ ब'अना मेन्‍द्रा, “धर्मेस नेम्‍हा नंजकादस, अदिन नीन सोतबोड़'आ अमा ब'आ।”

त‍इरकर 11:29

तहाँ पत्त'ऊ आलर यूदेया राजी ता भ‍इय्‍योर ही सहाड़ा गे ओर्मर तम्‍है ओंगना लेक्‍खा रुपया त‍इय्या गे सलहा मंजर।

त‍इरकर 24:17

कयनो बछर गूटी नन्ना देस नू रहचका ही ख़ॊख़ा ऎन एंग्‍है आलर गे दान अंड़सत'आ गे अरा धर्मेसी मन्दिर नू दाँड़े अरग'आ गे येरुसलॆम बरचका रहचकन।

2 कोरिन्‍थ 8:12

अन्ति ओर्तस गे दान चि'आ गे अंगिय'अना र'ई होले, तंग्है औसान लेक्‍खा इन्‍द्रिइमन हूँ चीतारदस, धर्मेस अदिन इंझ्रदस। नॆख'आ तिम हूँ एन्ने असरा मल नन्तार'ई का आस अपन औसान ती बग्‍गे चि'ओस।

इफेसुस 4:28

अरा एकास ख़ड़दस, आस अक्कु ती अम्बोस ख़ड़'आ नेकअन। लिकिन आस तंग्है ख़ेक्खा ती दौ नलख नन्ना नू अर्ज'आ गे चिहुट नन्दस नेकअन। होले मलकर गे सहाड़ा नना गे आसी गुसन इन्द्रिइम र'ओ।

तीतुस 1:15

अरिगा आलर गे उर्मी जिनिस अरिगा र'ई। लिकिन अरिगा मलका अरा मल पत्त'उर गे एन्‍द्रा हूँ अरिगा मल्‍ला। एन्‍देरगेका आर ही लूर अरा लखना गुट्ठी दुयो बगड़ारकी र'ई।

इब्रानी 13:16

अरा दौ नना गे अरा निम्‍है जिनिसन चाड़ नू र'उर गे ख़ट्टा गे अमा मोध्र'आ, एन्‍देरगेका एन्ने लेक्‍खा दाँड़े गुट्ठी तिम धर्मेस रिझ्रदस।

इब्रानी 6:10

धर्मेस गा मलदौ नेंव‍ई ननू मलदस। नीम आस गे एका कोड़हे नलख नंजकर अरा नीम अक्‍कु नन्ना लेक्‍खा एकासे आसिन पत्त'ऊ आलर गे संगरा नन्ना ती निम्‍है आसी म‍इय्याँ ता चोन्‍हा आबोन ऎदकादर, अदिन आस मल मोधर'ओस।

याकॊब 1:27

टुरर अरा रड़ियाहीर ही दुक्‍खे नू आरिन ऎरना ख़ॊजना, अरा तान तंगन ख़ॆख़ेल ता सोतबोड़'आ ती तरकूटी उइय्ना दिम नम्‍है धर्मे बंगासी ऎरना नू निमन अरा बिगर दगहा भगती हवे।