34 निम्है ख़न्न निम्है मॆद ही बिल्ली हिके। निम्है ख़न्न फरी र'ई होले निम्है सौंसे मॆद हूँ बिल्ली र'ओ। लिकिन निम्है ख़न्न फरी मलकी होले निम्है मॆद ऊख़ा र'ओ।
औंगे नेम्हा पुथी ता कत्था आलर ही उज्जना नू पूरा मनी का, ‘ऎन नन्दन अदिन ऎरदर, लिकिन अत्रु ती एन्द्रा हूँ मल सिख्र'ओर, ऎन ब'अदन अदिन मेन्दर, लिकिन अदही माने मल बुझुर'ओर, मला होले आर पाप नन्नन अम्बोर ती धर्मेस गुसन किर्रोर अरा धर्मेस हूँ आरिन छमा ननोस।’”
चिबाख़ारनर, मलदौ नलख नन्नर, ठगनर, पेहरन ही मलदौ ख़न्न ऎरनर, पड़गनर, हींड़नर, तरगरनर, अरा बैतल नलख नन्नर।
निमा ऎरा गे ख़न्न र'ई लिकिन मल बुझुरदर। निमा मेना गे ख़ेबदा र'ई लिकिन मल बुझुरदर। एंग्है नंजका अकबक नलख निमा गे सुरता मल र'ई का?
औंगे चिहुंक र'अके एका बिल्ली निम्है जिया नू र'ई ऊख़ा अम्बो मना काला।
ऎरा! अक्कुनिम उर्बस निंगन दंडे चि'ओस, नीन अन्धहा मनोय अरा जोक्क उल्ला बीड़ी ही बिल्लिन ऎरा पोल्लोय।” आ बारिम आसी ख़न्न धुन्द्रा मंजा केरा अरा ऊख़ा मंजा केरा। अरा आस अत्रा इत्रा कप्पा कुद्दियस का नेकईम आसिन ख़ेक्खन धर'अरकी हो'ओर।
आर उर्मी उल्ला ओन जिया मनरकी धर्मेसी मन्दिर ही चाली नू ख़ॊंड़र'आलियर। अरा तम्है एड़पा एड़पा गुट्ठी नू उर्बासी दाँड़े आबोन सुरता नन्ना ती रिझ अरा उजगो जिया ती मंडी ओनालियर।
ऎन आर ही ख़न्न चलख़'आ गे निंगन आर गुसन तइय्या लगदन। ख़ने आर ऊख़ा ती बिल्ली तरा किर्रा ओंगोर, अरा सैतान ही अदिया ती धर्मेस तरा किर्रा ओंगोर। फिन आर पाप गुट्ठी ही छमा ख़क्खा ओंगोर अरा एंग्है मइय्याँ ता पत्त'अना ती नेम्हा मन्रका आलर गने अड्डा ख़क्खा ओंगोर।’
अक्कुन ऎम ख़ॆख़ेल नू अरा कोड़हे गा निम्है गने ता नता नू, धर्मेस चिच्का नेम्हा अरा मानिम गने ईक्कम, इदगे दिम ऎम फुलई मन्दम। इदगे एम्है लखना गोवाह चि'ई। ऎम अदन ख़ॆख़ेल ता लूर ती मला, धर्मेसी मया तिम नंजकम।
लिकिन ऎन एल्चदन का एकासे नेर्रद तंग्है चतरा ती हवा आबोन भुरियाचा, अन्नेम निम्है जिया नू मसीस गे र'अना मानिमन ती अरा मानिम भगती ती नीम बेहड़ार'ओर दने।
ई सौंसार ही देंवता मल पत्त'ऊ आलर ही जियन अन्धहा नंजकी चिच्चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्था ही बिल्चिनन ऎरा गे पोलनर।
अरा नीम धर्मेसिन अउरिम कोड़हे अख़'आ गे, आस निमन लूर अरा चलख़रनन चि'ऊ नेम्हा बॊलतस ती नीदा गे गोहरारदन। इदगे नम्है उर्बस येसु मसीसी धर्मेस महबा ही बंगस गुसन गोहरारते र'अदन।
अना बिट्ठी ननू जॊंख़ारो, नीम मसीसिन पॆस्रना बेसे, ई ख़ॆख़ेल ता निम्है उर्बारिन मईन अरा इल्चनुम ती अरा मानी जिया गने पॆस्र'आ।
अना बिट्ठी ननू जॊंख़ारो, निम्है ई ख़ॆख़ेल ता उर्बर गे उर्मी कत्था नू पॆस्र'आ। आरिन पत्तारत'आ गे लेका आर ही ऎरना नू लेका मला, लिकिन उजगो जिया ती उर्बा येसुसिन मईन नन्ना ती आरहिन पॆस्र'आ।