लू‍कस 11:13 - पुना गच्छरना NT (BSI)

¹³ अन्ने नीम मलदौ मनरकी निंग्‍है ख़द्द-ख़र्रर गे दौ जिनिसन चि'आ अख़दर होले, मेर्ख़ा बंगस तंग्‍है गुसते ने'उर गे नेम्‍हा बॊलतन चि'ओस दिम।”

लू‍कस 11:13 ပူးပေါင်းရင်းမြစ်များ

मत्तायोस 5:16

एन्नेम निम्‍हा बिल्‍ली आलर गुसन बिलचते र'अन नेक‍अन, का आर निम्है दौ नलखन ऎरोर ती निम्‍है मेर्ख़ा ता बंगासी महबा ननोर।

मत्तायोस 5:45

एन्ने नन्ना ती नीम निम्‍है मेर्ख़ा बंगासी ख़द्दर मनोर। एन्‍देरगेका आस दौ अरा मलदौ इरबर मइय्याँ हूँ बीड़ी अरग'अदस अरा उजगो आलर अरा पपहर इरबर गे हूँ चॆंप पुंइत'अदस।

मत्तायोस 6:14

नीम नन्नर ही अक्‍का-बलकन छमा ननोर होले मेर्ख़ा ता बगंस हूँ निमन छमा ननोस।

मत्तायोस 6:30

इन्ना टोंका नू र'ऊ अरा नॆला चिच्‍ची नू च'ऊ लट्टी गे धर्मेस फबना ऎथ्रना चि'अदस होले, अना पत्त'अना नू पयहा आलारो, धर्मेस निमन मानिम नू ऎरोस ख़ॊजोस दने।

मत्तायोस 6:32

धर्मेसिन बल्लुर इबड़ा ओर्मा ही तिहा नू र'अनर, लिकिन निम्‍है मेर्ख़ा बंगस अख़दस का निमा गे इबड़ा उर्मी आलॊ ही चाड़ र'ई।

मत्तायोस 7:11

अन्ने नीम मलदौ मनरकी निंग्‍है ख़द्द-ख़र्रर गे दौ जिनिसन चि'आ अख़दर होले, मेर्ख़ा बंगस तंग्‍है गुसते ने'उर गे बॆस आलॊन नेम्‍हा बॊलतन चि'ओस दिम।

लू‍कस 11:12

महले बी ने'अदस होले आस गे बिछी चि'ओस का?

लू‍कस 11:2

येसुस आरिन बाचस, “एकाबारी नीम गोहरार'ओर आ बारी एन्ने ब'आ, ‘अना बबा, निंग्‍है नामे नेम्‍हा मनन नेक‍अन, निंग्‍है राजी बर‍'अन नेक‍अन।

लू‍कस 18:7

होले एन्‍देर धर्मेस तंग्‍है चज्जिका आलारिन नॆ उल्‍ला माख़ा आसिन गोहरारते र'अनर आर गे नेंव‍ई तिजाम मल ननोस का? एन्‍देर आस आर ही पत्त नू दिरी ननोस का?

यॊहनस 4:10

येसुस अदिन आनाकिर्ताचस, “धर्मेसी चि'अना इनामन अरा नॆ निंगन ‘एंगा ओना गे अम्मु चि'ई’ एन्ने ब'अदस, अदिन नीन अक्‍का होले, नीनिम एंग्‍है गुसते अम्मु ने'ओय दने। अरा ऎन निंगा गे उज्‍जना चि'ऊ अम्‍मन चिच्का र'ओन दने।”

त‍इरकर 2:38

पतरस आरिन बाचस, “नीम जियन किर्त'आ, अरा नीम ओर्मा आलर निम्‍है पाप गुट्ठी ही छमा गे येसु मसीसी नामे ती नॊड़र'आ। होले नीम इनाम नू नेम्‍हा बॊलतासिन ख़क्‍खोर।

रोमी 5:17

ओर्त आलस पाप नंजस, ई ओर्त आलस चड्डे खे'अना ओर्मा आलर म‍इय्याँ राजी नंजा। लिकिन एका ओर्तर एका बग्‍गे धर्मेसी भरपूर मया अरा आसी इनाम ही उजगो आबोन ख़क्‍खनर, आर मानिम नू मानी उज्जनन ख़क्‍ख्रकी ओर्त आलस येसु मसीस ती राजी ननोर।

रोमी 7:18

ऎन अख़दन का एंग्है नू एन्‍द्रा हूँ बॆस मल मड़'ई। मड़'ऊ गा एंग्‍है पाप मॆद सुबहा। एंगा बॆस नलख नन्ना ही मने गा र'ई। लिकिन अबड़न ऎन नन्‍त'आ पोलदन।

रोमी 8:32

धर्मेस तंग्‍है ख़द्दासिन हूँ मल अम्‍बियस, आसिन नमा ओर्मर गे थोपचस चिच्‍चस। होले इवंदा चिच्का ख़ॊख़ा हूँ आस एकासे नमा गे तंग्‍है ख़द्दासिन चिच्‍चस अन्नेम नम्‍है उर्मी चाड़न सिथियम चि'ओस।

तीतुस 3:3

नाम हों मुन्‍द बोया बेसे अरा पॆसकन मल पत्त'ऊ आलत रहचकत। अरा नाम ठगर'अरकी रकम रकम ही चिबाख़ारना अरा सुख-सौंरत ही जॊंख़ रहचकत। नाम खींस-खोप डाहना अरा ख़ाँड़ना नू उज्‍जा लिक्‍कत, अरा नाम नाम नू बैरी रहचकत।