लू‍कस 10:41 - पुना गच्छरना NT (BSI)

⁴¹ लिकिन उर्बस अदिन आनाकिर्ताचस, “अनय मारथा, मारथा, नीन बग्‍गे कत्‍था ही तिहा ती कैरारकी र'अदी।

लू‍कस 10:41 ပူးပေါင်းရင်းမြစ်များ

मरकुस 4:19

लिकिन आर उरुब मना गे अरा बग्‍गे खुर्जी ख़क्‍खा बेद्दनर अरा आर ख़ॆख़ेल ता जिनिस ही लेका फिकिर नन्नर। औंगे इबड़ा जम्मा धर्मेसी कत्‍थन मॊधर'आ गे ननी। औंगे धर्मेस आरिन एन्‍देर नन्ना र'ई एन्ने बेद्ददस अदिन आर मल नन्नर।

लू‍कस 10:38

तहाँ आर कानुम कानुम येसुस ओन्‍टा पद्दा नू कोरचस। अरा मारथा नामे ओर्त आली येसुसिन तंग्‍है एड़पा नू परघाचा।

लू‍कस 10:40

लिकिन मारथा नगदे तेतर-सुसर नन्ना नू हिलरिकीचा। अरा आद आसी गुसन बरचा ती बाचा, “अना उर्बायो, एन्‍देर नीन मल ऎरदय का इंग्ड़ी एंगन ओर्ते लेका सुसर'आ गे अम्‍बिया चिच्‍चा? अदिन एंगन संगरा गे आना।”

लू‍कस 12:22

तहाँ येसुस तंग्‍है चेलारिन बाचस, “इदगे ऎन निमन ब'अदन, एन्‍दरन ओनोम एन्ने निम्‍है उज्‍जना गे, महले एन्‍दरन अत्तोम एन्ने निम्‍है मॆद गे घोख अमा नना।

लू‍कस 21:34

नीम चिहुंक ननके। ख़ॆख़ेल ता ओन्ना-मॊख़ना ही चिबाख़ारना अरा उंखना अरा ख़ॆख़ेल ही जिनिस ता फिकर ती निम्‍है जिया अम्‍बन बेहड़ार'आ का आ उल्‍ला निमा गे ‍अचका ही ‍अंड़सा ख़च्‍चो।

लू‍कस 8:14

जोक्‍क आलर बिहनी खत्रका अच्‍च-ख़ोप्‍पा ख़ॆख़ेल लेक्‍खा हिकनर। आर कत्‍थन मेन्नर लिकिन आर तंग्‍है उज्‍जना नू मुन्द कालो बारी ख़ॆख़ेल ता फिकर अरा खुर्जी अरा मया-मॊह आरिन अरबी ख़ने आर बड़ियर मना पोलनर।

यॊहनस 11:1

लाजरस नामे ओन्‍टा आलस बेमार रहचस। आस तंग्है बहिनर मरियम अरा मारथा गने बेतानिया पद्दा नू रहचस। ई मरियम दिम रहचा नॆ ख़ॊख़ा उर्बासी म‍इय्याँ महमहरना इसुंगन नलबिया अरा आसी ख़ेड्डेन तंग्‍है चुट्टी ती चींचया।

यॊहनस 11:5

येसुस मारथा अरा अदही बहिन अरा लाजरसिन चोन्‍हा नंजस।

यॊहनस 12:2

अइय्या येसुसिन मईन नना गे आर आस गे मदी चिच्‍चर। मारथा ओन्ना-मॊख़ना ख़ट्टा लगिया। अरा येसुस गने ओन्ना आलर नू लाजरस हूँ ओर्तोस रहचस।

फिलिप्‍पी 4:6

एन्‍देर कत्‍था गे हूँ अमा घोख'आ। लिकिन उर्मी कत्‍था नू निम्‍है ने'अना, गोहरारना अरा जलिय'अना ती धन्‍यवाद गने धर्मेसी मुन्दहारे अंड़सी नेक'आ।