लू‍कस 10:3 - पुना गच्छरना NT (BSI)

³ कला, ऎन निमन भेंडो ख़द्द लेक्‍खा भुसुड़ ही मझी नू त‍इय्‍दन।

लू‍कस 10:3 ပူးပေါင်းရင်းမြစ်များ

मत्तायोस 10:16

ऎरा! कला, ऎन निमन भेंडो लेक्‍खा भुसुड़ गुट्ठी ही मझी नू त‍इय्‍दन। औंगे नेर्रे गुट्ठी लेक्‍खा लूरगर अरा पेरवाँ गुट्ठी लेक्‍खा लुद‍ऊ मना।

मत्तायोस 10:22

नगदे आलर निमन बिड़दो ननोर एन्‍देरगेका नीम एंग्‍है गने चॊंख़्रकर। लिकिन नॆ तम्‍है उज्‍जना ही मुंज्रना गूटी सह'ओर, आरिम जनमजुग ही दंडे ती बछर'ओर।

मत्तायोस 7:15

ठकवा धर्मेसी कत्‍था तिंगुर ती चिहुंक र'आ। आर ऎरना नू लुद‍ऊ लेक्‍खा भेंडो ही बेसे निम्‍है गुसन बरनर। लिकिन आर मानिम नू चर्रना मॊख़ना हड़हा र‍'अनर।

लू‍कस 10:4

ढिबा अरा इन्द्रिइम जिनिस हो'अना ही झोला अरा खरपा अमके हो'आ, अरा डहरे नू नॆकन हूँ मोंजरा ननरकी बेड़न अमके नठाब'आ।

यॊहनस 10:12

बनियहार आलस गा भेंडो गुट्ठी ही उर्बस मलदस। अरा आस भुसुड़ बरनन एरदस ख़ने, आस भेंडो गुट्ठिन अम्‍बदस ती बोंगदस कादस। ख़ने भुसुड़ अबड़न बच्‍ची हुं'ई, अरा भिड़क'ई चि'ई।

यॊहनस 15:20

एका कत्‍थन ऎन निमन तिंकन अदिन सुरता नना। जॊंख़स तंग्‍है उर्बस ती कोहँस मलदस। आर एंगन सताबाचर होले, निमन हूँ सताब'ओर। अरा आर एंग्‍है कत्‍थन पॆस्रर होले, निम्‍है कत्‍थन हूँ पॆस्र'ओर।

यॊहनस 16:2

आलर निमन आर ही गोड़हा एड़पा गुट्ठी ती ओथ्र'ओर चि'ओर। मानिम नू ओन्‍टा बेड़ा बर'आ लगी, नॆ निमन पिटोर आर सोच'ओर का आर इदन नन्ना ती धर्मेसी सुसर नन्‍नर।

त‍इरकर 20:29

ऎन अख़दन का एंग्‍है केरका ख़ॊख़ा खरिखन मल अम्‍बना चर्रू मूख़ू भुसुड़ गुट्ठी निम्है मझी नू बर'ओ।

त‍इरकर 9:16

ऎन आसिन तेंगोन का एंग्‍है नामे चड्डे आस गे एका बग्‍गे दुक्‍खे सारना र'ई।”

त‍इरकर 9:2

दमसकोस नगरे ता गोड़हा एड़पा गुट्ठी ही नामे नू चिठी गुट्ठी नॆचस। ख़ने आस मसीसी डहरे नू ईकू मुक्‍कर महले मॆतारिन असन ख़क्‍खोस होले, आरिन हें'ओस ती येरुसलॆम ओन्‍द्र'आ ओंगोस।