लू‍कस 10:24 - पुना गच्छरना NT (BSI)

²⁴ ऎन गा निमन ब'अदन का नगदे धर्मेसी कत्‍था तिंगुर अरा बॆलर हूँ एका कत्‍थन नीम ऎरदर अदिन ऎरा बिद्दियर लिकिन मल ईरियर, अरा एका कत्‍थन नीम मेन्‍दर अदिन मेना बिद्दियर लिकिन मल मेंजर।”

लू‍कस 10:24 ပူးပေါင်းရင်းမြစ်များ

मत्तायोस 13:16

लिकिन नीम आसीस ख़क्‍खू र'अदर, एन्‍देरगेका नीम एंग्‍है अकबक नलखन ऎरदर। अरा नीम आसीस ख़क्‍खू र'अदर, एन्‍देरगेका निमन अबड़ा ही मनेन बुझ्र'आ गे धर्मेस संगरा नन्‍दस।

लू‍कस 10:23

ख़ने येसुस चेलर तरा पछली किर्रियस ती उछिन्‍त नू बाचस, “नीम एकाबड़न ऎरदर अदिन ईरू आलस आसीस ख़क्‍खू र'अदस।

लू‍कस 10:25

तहाँ ओर्त नॆग सिखाब'उस चॊचस ती येसुसिन बिढ़'आ गे आसिन मेंजस, “अना गुरु, जनमजुग उज्‍जना ख़क्‍खा गे एंगा एन्‍देर नन्‍ना र'ई।”

यॊहनस 8:56

निम्‍है बंगस अब्राहमस एंग्‍है उल्‍लन ऎरा ओंगोन ब'अरकी नगदे खुसमारस, अरा आस अदन ईरियस ती रिझ्रस।”

इब्रानी 11:13

पत्त'अना ती उज्‍जका इबड़ा ओर्मा आलर खे'अना बेड़ा नू हूँ आ पत्त'अना ती केच्‍चर। एन्‍देरगेका गच्‍छरका आलॊ गुट्ठिन आर आ बेड़ा नू मल ख़क्‍खियर। लिकिन अबड़न गेच्‍छा तिम ईरियर अरा परघाचर ती रिझ्रर। अरा आर इंझ्रर का आर ख़ॆख़ेल नू बहरीतर अरा नन-राजियतर।

इब्रानी 11:39

इबड़ा ओर्मर तम्‍है पत्त'अना ती बॆस नामे ख़क्‍खियर। अन्नु हूँ इबड़र नॆ हूँ धर्मेसी गच्‍छरका जिनिसन मल ख़क्‍खियर।